Tashkilot xodimlarini boshqarish

TASHKILOT XODIMLARINI BOSHQARISH

• Bitta tashkilotda turli tipdagi jamoalar mavjud bo’lishi mumkin. Jamoalarni tavsiflashning eng oddiy usuli ularni rasmiy tashkilotning tuzilmasi sifatida yaratilishi va ishlovchilarning tashkilotini boshqarishdagi ishtirokini kengaytirishga mo’ljallangan jamoalarga bo’lishdir.
• Rasmiy jamoalar kompaniyaning tashkiliy tuzilmasining bir qismi sifatida yaratiladi. Rasmiy jamoalarning ikki tipi ajratib ko’rsatiladi: gorizontal (yopiq) va vertikal (tik) tarkibiy o’zaro aloqalarga ega bo’lgan jamoalar.
• Vertikal jamoa. U menejerdan va unga rasman bo’ysunuvchilardan tashkil topadi. Bunday jamoani ba‘zan funksional jamoa, deb ham ataladi. Ayrim hollarda u funksional bo’lim doirasida iyerarxiyaning uch-to’rt bosqichini o’z ichiga olishi mumkin. Qoida bo’yicha vertikal jamoaga butun bo’lim kiradi. Chunonchi, moliyaviy tahlil bo’limi, sifatni nazorat qilish bo’limi, buxgalteriya va xodimlar bo’limi vertikal yoki funksional jamoa hisoblanadi. Ularning har biri tashkilotning muayyan maqsadlariga erishish uchun uning a‘zolarining birgalikdagi sa‘y-harakatlari va ular orasida o’zaro munosabatlar o’rnatish uchun yaratiladi.

• TASHKILOT XODIMLARINI BOSHQARISH

• Gorizontal jamoa. Bunday jamoa taxminan bir darajadagi, ammo har xil bo’limlardan tashkil topadi. Ular birga yig’ilishib vazifani oladilar, uni bajarganlaridan so’ng o’zlarining ishga oid doimiy majburiyatlarini ijro etishga qaytishlari mumkin. Odatda gorizontal jamoalar maxsus guruh va qo’mitalar ko’rinishida tuziladi.
• Maxsus guruh. Turli bo’limlarning xodimlarini o’z ichiga oladi. Ularga ma‘lum bir xatti-harakatlarni hamkorlikda bajarish topshiriladi. Qo’yilgan maqsadga erishilgandan so’ng maxsus guruh tarqatib yuboriladi. Maxsus guruhning boshqa nomi funksiyalararo jamoadir. Ishlab chiqarish bilan shug’ullanadigan firmada bunday jamoalar yangi mahsulotni yaratish ustida, universitetda esa yangi o’quv fanini ishlab chiqish ustida ishlashlari mumkin. Shunda bunday jamoalarning bir nechta bo’limlari xodimlari ishtirok etsa, turli nuqtayi nazarlarni inobatga olishga to’g’ri keladi, shu bois shunga o’xshash masalalarni bajarish uchun gorizontal funksiyalararo jamoalar juda mos bo’ladi.

•