Таълим вазирлиги самарқанд иқтисодиёт ва сервис институти

Таянч иборалар:
Мажлис, мажлис чақириш тартиби, мажлис қарорлари лойиҳалари, мажлисга тайёргарлик кўриш жараёни босқичлари, йиғилиш, йиғилишларнинг асосий вазифалари.


Назорат учун саволлар

1. 
   Бошқариш қарорларини қабул қилишда йиғилишларнинг роли қандай?
   
2. 
   Мажлис баённомаларини юритиш тартибини айтиб беринг.
   
3. 
   Қарор лойиҳалари, қарорларни қабул қилиш ва ижросини таъминлаш қандай амалга оширилади?
   
4. 
   Мажлисларнинг қандай кўринишлари мавжуд?
   
5. 
   Мажлисларни ўтказиш жараёни қандай босқичларни ўз ичига олади?
   
6. 
   Мажлисларнинг самарадорлигини белгиловчи асосий омилларни айтиб беринг.
   

8-БОБ. МАЪМУРИЙ МЕНЕЖМЕНТДА МУЛОҚОТ ОЛИБ БОРИШНИ ТАШКИЛ ЭТИШ ва хизмат этикети

8.1. Маъмурий менежментда мулоқот тушунчаси.

8.2. Мулоқот жараёнини амалаг ошириш босқичлари.
8.3. Сухбатлар ўтказиш самарадорлигини ошириш.


8.1. Маъмурий менежментда мулоқот тушунчаси
Маъмурий менежментда мулоқотлар тушунчаси. Зиддиятларни тартибга солиш йўли билан келишувга эришиш жараёни кўп қиррали ва мураккаб жараён. Келишувлар деганда ўзаро зиддиятда, қарама-қаршиликда бўлган томонларни муросага келтиришга қаратилган тадбирлар тушунилади.
Афлотун ҳаким: “Инсоннинг саодати қаноатни қулда тутмоқда, сарват ва маишат тўғрисида жаноби ҳақнинг тағдирига рози бўлмоқдадур”,- деганлар. Дарҳақиқат шундай экан, бизнинг мамлакатимизда ҳам иқтисодий ислоҳотларнинг янги даврига қадам қўяр эканмиз, барча соҳаларда маънавиятимизни ривожлантириш вазифаларини ҳам белгилаб олишимиз керак, дейди мамлакатимиз Президенти Ислом Каримов. Аммо ишлаб чиқариш ва меҳнат қилиш жараёни бор экан, ходимлар ўртасида ҳар хил зиддиятлар ва низолар мавжуд бўлади.
Ҳар қандай мулоқот маълум мақсадга қаратилган бўлиб, раҳбар томонидан вазиятни чуқур ўрганиш, мулоқотга пухта тайёргарлик кўришни тақозо этади. Мулоқотни йўқлиги ёки камлиги инсон шахс сифатидаги фаолиятини чеклайди. Шундай қилиб, мулоқот инсоннинг жамиятдаги фаолиятининг энг муҳим шаклидир. Мулоқот жараёнида бир одамлар иккинчиларига ўз ғояларини узатадилар. Улар орасида тескари алоқа ўрнатилади, улар ҳулқига маълум мувофиқлаштириш киритилади (8.1-расм).