Таълим вазирлиги мактабгача таълим муассасаларида аппликация машғулотларини ўтказиш методикаси

Қоғоз ва картоннинг таъснифи. Қоғоз ва картондан фақат полиграфия саноатидагина эмас, балки халқ хўжалигининг ҳамма тармоқларида кенг фойдаланилади. Целлюлоза қоғоз саноати қоғоз ва картоннинг икки юзга яқин турини ишлаб чиқаради. Юқорида айтиб ўтилганидек техникада қоғознинг телеграф ва магнитланган магнитофон ленталари, фото сезгир қоғозлар, электр ўтказмайдиган қоғозлар, нам ўтказмайдиган фибра ва шу каби хилма-хил турларидан фойдаланилади. Қоғоздан қурилишда ҳам кенг фойдаланилади. Масалан, қоғоздан ғишт, тўсиқлар учун плиталар тайѐрланади. Қоғозга китоблар, газеталар босилишини, унга ручка, қалам билан ѐзилишини барча яхши билади. Шунинг учун меҳнат таълими ўқитувчиси болаларнинг кўпроқ эътиборини қоғознинг турмушда тез-тез учратадиган ѐки қўл меҳнати дарсларида фойдаланадиган турларига жалб қилиши лозим.
Газета қоғози – энг арзон ва кўп тарқалган қоғоз туридир. Сифатига кўра‚ унчалик пишиқ эмас, намликни ва елимни яхши сингдиради.
Ёзув қоғози – Сатҳи силлиқ, елим сингдирилган, намликни камроқ сингдиради. Нарсаларни конструкциялаш, муқовалаш, картонлан ясалган нарсаларни елимлашда жуда қулай.
Чизмачилик қоғози - энг пишиқ ва қалин қоғоз. Латтадан тайѐрланади, унинг олий нави қўлда қуйилади. Ундан карнавал ниқоблари, лито ва шу кабиларни ясашда фойдаланилади.
Расм қоғози - целлюлозадан тайѐрланади, олий навига 25 % латта қўшилади. Қўл меҳнати дарсларида, шунингдек‚ чизмалар чизишда фойдаланилади.
Рангли ва жилоли қоғоз – меҳнат дарсларида кенг қўлланилиб, аппликация ва муқова ишларида фойдаланилади. Турли тўпламларда чиқарилади.
Елимланган қоғоз – жило берилган қоғоз бўлиб, бир томонига елим суртилган қўл меҳнати дарслари учун жуда қулай.
Рангли жилд қоғози – турли рангларда бўялган, жило берилган рангли қоғознинг ўрнини босиб, қўл меҳнати дарсларида кенг қўлланилади.
Шагрень нақшдор қоғози – муқовасозликда ва тайѐр нарсаларнинг устидан ѐпиштиршда, арча ўйинчоқларини ясашда фойдаланилади. Гулқоғознинг ранги ва гули турлича бўлиб‚ муқовалаш, нарсаларнинг устидан елимлаш, безаш ишларида кенг фойдаланилади.
Калька қоғозига шаффофлик бериш учун мум ва мой сингдирилади. Яхши, сифатли калька қоғозининг ҳатто тозаланган жойида ҳам тушь ѐйилиб кетмаслиги керак. Калька қоғоз ―фонус ҳаѐл‖ театрида арча ўйинчоқларини ясаш, саҳнани безаш, расмларни қайта тушириш ишларида ишлатилади.