Таълим вазирлиги мактабгача таълим муассасаларида аппликация машғулотларини ўтказиш методикаси

Қоғоз - бу биз ҳар биримиз кунда тўқнашиб турадиган, энг керакли ва қизиқарли материаллардан биридир. Биз кунда китоб ва газеталарни ўқиймиз, кўчаларда ѐркин плакатлар, концертларда, виставкаларга бизни таклиф қилаѐтган афишаларни учратишимиз мумкин. Агар диққат билан атрофга назар ташласак, қоғознинг ҳар хил буюмлар ясаш учун ҳам ишлатилганини кўрамиз.
Қоғоз билан ишлаш учун қайчи билан клей керак‚ холос. Қоғоз берилган шаклни сақлаб туриш, ўйинчоқлар ясаш учунгина эмас, бошқа кундалик хаѐтимизда керак бўладиган буюмлар ясаш имконини беради. Биз болалигимизда қоғозни кашф этганмиз, унинг хайратланарли хусусиятларидан завқланганмиз. Моҳир қўлларда оддий дафтар варағи гулга, ликопчага, сувда сузадиган қайиқчага айланади. Охирги пайтларда қоғоз мутахассисларни ўзининг декоратив ҳусусиятлари билан диққатни жалб қилмоқда. Унинг ранги, турли хусусиятлари хар хил декоратив ишларда катта аҳамиятга эга, айникса, мозаикада. Педагогларнинг ҳисоблашича, қоғоз қанчалик хилма хил ва ранг-баранг бўлса, шунчалик у билан ишлаш қизиқарлироқдир.
Ишнинг асосий усуллари.
Буклаш, ғижимлаш,қайириш ва тўғрилаш, қирқиш ва йиртиш, ҳажмли моделлар, куб, цилиндр, конус.
Қоғоз турлари
Фото қоғоз. Фото қоғоз нурга сезувчан қоғоз‚ у фотографияларда ишлатиладиган қоғоз тайѐрлашда негиз бўлиб ҳизмат қилади.
Баъзи алъбомларда, блокнотларда, папкаларда фото қоғоз расм қоғозининг ролини ўйнайди. Нур туширилган қоғозни майда кўргазмалар ясаш учун ишлатиш мумкин.
Газета қоғози. Бу қоғоз қисқа вақт фойдаланиладиган кўргазмалар учун мосланган. У оқланмаган целлюлоза (25%) ва ѐғоч массаси (75%) дан тайѐрланади, оғирлиги – 15 гм.
Китоб ва журнал қоғозлари. Босмахона қоғози китоб ва журналлар нашр этиш учун ишлатилади. Ноталар учун қоғоз, типография қоғози иллюстрациялар учун, офсет нашриѐти учун, эсталик қоғози – метал гравюраларни туширилиш учун ишлатилади.
Картография қоғози. Бу қоғоз карталар тушириш учун мўлжалланган целлюлоза ва ѐғоч толасидан ишланади. У уч турда ишлаб чиқарилади: география, гидрография ва босмахона карталари учун.