Таълим вазирлиги мактабгача таълим муассасаларида аппликация машғулотларини ўтказиш методикаси

Муқовалар учун қоғоз китоб, журнал, папкалар учун муқовалар тайѐрлаш учун ишлатилади, шунингдек, жадваллар, қутичалар ва аппликация ишлари учун ҳам яроқлидир.
Альбом қоғози. Альбом қоғози деб, зич, қалин муқовалари учун унча оғир бўлмаган (45 дан 80 гр гача) қоғоз тушунилади.
Хатлар ѐзиш учун қоғоз. Жадвал, карточкалар, қутичаларни ичидан ѐпиштириш учун, қуритилган ўсимликларни ѐпиштириш ва бошқа мақсадларда ишлатилади.
Расм-чизмачилик қоғози. Жадваллар, карточкалар, лото, суратлар, геометрик шакллар ва бошқа ҳажмли ва текис буюмлар учун, карнавал ниқоблари, турли макетлар ясаш учун яроқли.
Калька қоғози. Бу шаффофранг билан ишлов берилган ва оғирлиги 40-50 гр бўлган қоғоз. Уни арчани безатиш учун фонарчалар, саҳнани безатишда, соя театрида экран сифатида ишлатиш мумкин.
Миллиметрли қоғоз. Оғирлиги 70, 80, 90, 120 ва 130гр, сариқ, яшил ва ҳаво ранг қоғоздир. Миллиметрли қоғоз жадваллар ѐпиштириш учун, тасвирли масштабини ўзгартириб нусха кўчириш учун ишлатиш мумкин.
Қоғоз ва картонни қайта ишлаш жараѐнида трафарет‚ шаблон ва муҳр тайѐрлаш техникаси.
Мактабгача таълим муассасасида ҳар бир ўтказиладиган машғулотларда болаларни муcтақил ишлашга, қўл мускулларини ривожлантиришга ўргатиб бориш зарур. Тарбиячи ҳар бир ўтказиладиган машғулотига ижодий ѐндашган ҳолда ва ўз маҳоратини ишга солган ҳолда янгилик ярата олишлари лозим. Болалар боғчасининг илк ѐш гуруҳидан бошлаб то тайѐрлов гуруҳигача иш жараѐнлари оддийдан мураккабга қараб боради. Бунинг учун ўтказиладиган машғулотларда айниқса тасвирий фаолият, расм, аппликация, лой ишларини яратишда уcтахонада амалий иш фанининг аҳамияти каттадир. Болалар боғчасида трафарет‚ шаблон асосида чизиладиган буюмларни, шаклларни чизишга, қирқиш, елимлашга, ясашга ўргатилади.
Трафарет ясаш учун керак бўладиган иш қуроллари:

1. 
   Рангли суратлар;
   
2. 
   Калка қоғози;
   
3. 
   Қорақалам;
   
4. 
   Қайчи.
   
5. 
   ПВА елими;
   
6. 
   Дермантин;
   
7. 
   Картон қоғоз;
   
8. 
   Клѐнкадан фойдаланиш мумкин;