Sintaksis haqida umumiy ma'lumot

Kam de, oz ye - ko'p yashaysan.
Guruchni qopi bilan olishdi.
Qirq marta eshitgandan bir marta ko'rgan yaxshi.
SABAB HOLI ish-harakatning sababini bildirib, nega? nima uchun? nima sababdan? nima sababli? kabi so'roqlarga javob bo'ladi. Sabab holi -lik, -sizlik qo'shimchalarini otlar, -gani qo'shimchali sifatdoshlar va sababli, tufayli ko'makchi qurilmalar bilan ifodalanadi:
Quvvatsizligidan tez charchardi.
Go'lligi sababli har joyda kaltak yeydi.
Arzimagan narsa uchun janjal ko'tarardi.
Tinchlik tufayli yurt obod.
Yaxshi o'qigani uchun u mukofotlandi.
Boshqa hech narsasi yo'qligi uchun bitta-yu bitta ho'kizini berib yubordi.
Joni halqumiga kelgan Sattor alamidan baqirib yubordi.
MAQSAD HOLI ish-harakatning maqsadini bildirib, nima uchun? nima maqsadda? nima qilgani? so'roqlariga javob bo'ladi. Maqsad holi maqsad ravishdoshlaridan, ot yoki fe'llardan keyin uchun, deb, maqsadida, maqsadi bilan kabi so'zlarni keltirish orqali, shuningdek, jo'nalish kelishigi qo'shimchasini olgan ish otlari orqali ifodalanadi:
Hammani kuldirish uchun ataylab shunday antiqa kiyinar, do'stining dov-daragini surishtirish uchun yelib-yugurar, o'ynab kelgani ko'chaga chiqib ketdi. Hammamiz umid bilan mehnat qildik, rohatini ham ko'raylik. Odamlar dam olishga dala shiyponiga kelishdi. Ravishdoshlar harakat tarzi shakllari tarkibida hol bo'lib keladi. Ular bir mustaqil fe'lni ikkinchi bir mustaqil fe'l bilan bog'lab kelgandagina gapda hol vazifasida keladi. Bu yangilikdan Abduqodir qotib kuldi. - hol. Bu gapdan Abduqodir qotib qoldi. - hol emas. Bu gapni ayta-ayta charchadim. - hol. Bu gapni hech kimga ayta ko'rma. – hol emas.
Xatni o'qib qutiga tashladi. - hol. Xatni birpasda o'qib tashladi- hol emas.
Shamol g'ir-g'ir (taqlid so'z - ravish holi) esardi. : Uy ichida (ko'makchili ot - o'rin holi) odam ko'p edi.
Po'latjon juda erta (ravish - payt holi), hammadan oldin (payt holi) uyg'ondi.