Сиддиқог дони

Chavondozlar futboli


Vazifa: kuch sifatining rivojlanishiga yordam berish.
Ishtirokchilar: 6 nafardan o’yyinchisi bo’lgan 2 jamoa (3 ga 3, har bir o’yinchining elkasida sherigi o’tiradi).
Maydoncha: futbol maydonining 15 x 16,5 m li burchagi.
Davomiyligi: 1 daq. o’yin, 1 daq – passiv dam olish.



Shartlari: har bir jamoa ochkoga ega bo’lish uchun to’pni raqibning “darvoza chizig’i ” orqali o’tkazishi kerak.
Jamoalardan biri o’yinni boshlab, raqibning “darvoza chizig’i”ga hujum qiladi. Agar jamoa to’pni olib yurib, uni “darvoza chizig’i” orqali o’tkaza olsa, ochkoga ega bo’ladi. Shundan so’ng to’p raqib jamoaga o’tadi. “Chavandozlar” maydonda yuz berayotgan voqealarga aralashmaydilar, ular 1 daq so’ng sheriklari bilan o’rin almashadilar.
Ko’rsatmalar: o’yinchilarning funkstional holatlaridan kelib chiqib, maydonda o’lchamlarini kattalashtirish, shuningdek, o’yin davomiyligini 2 daq gacha etkazish mumkin.


Qo’llarga tayanib futbol o’ynash


Vazifa: chaqqonlik sifatini rivojlantirishga yordam berish.
Ishtirokchilar: 4-6 nafardan o’yinchisi bo’lgan ikki jamoa.
Maydoncha: 20 x 10 m, yon chiziqlarga ikkita kichik darvoza o’rnatilgan.
Davomiyligi: 10 daqiqagacha.



Shartlari: bir jamoa hujum qilib, to’pni darvozaga kiritishga urinadi – ikkinchisi bunga qarshilik ko’rsatadi. Darvoza chiziqlarida tizzalarida turib o’ynaydigan darvoza-bonlardan tashqari, barcha futbolchilar orqaga uzatilgan qo’llariga tayanib harakatlanishlari va shu holatda to’p surishlari lozim. Qo’llar bilan to’p o’ynash mumkin emas. Qoidani buzish erkin zarba bilan jazolanadi. To’p autga ketsa yoki qoida buzilsa, to’p erkin zarba bilan o’yinga kiritiladi. “O’yindan tashqari holat” yo’q.
Ko’rsatmalar: maydoncha o’lchamlari 30 x15 m gacha kattalashtirilsa, har bir jamoada o’yinchilar soni 10 nafarga etkazilishi mumkin. O’yinni zalda o’tkazgan ma’qul.