Shakllantirishning pedagogik asoslari

 
 
II bob bo’yicha xulosa. 
Bugungi kunda o’smirlarimizda sog’lom e’tiqodning shakllanganlik darajasi 
davr xususiyatini inobatga oladigan bo’lsak, yetarli emasligini ko’rishimiz 
mumkin. Davr bizdan tezkorlikni va sifatni talab qilar ekan, bu jarayon bevosita 
o’smirlarimiz ruhiyatiga ham ko’chgan holda bizni tizimli, izchillik va tezkorlik 
bilan ish yuritishni talab etmoqda. Fikrimiz isbotini axborotlar ko’lamining 
kengligi bilan izohlashimiz mumkin. O’zbekiston Respublkasining “Ta’lim 
to’g’risidagi” Qonuni va Kadrlar tayyorlash milliy dasturida sog’lom fikrlovchi,
ma’naviy barkamol insonlarni tarbiyalash isloxatlarning bosh vazifalaridan biri 
qilib belgilangan.
Ushbu vazifani hal qilish maqsadida maktablarimizda “Odobnoma”,
“Vatan tuyg’usi”, “Milliy istiqlol g’oyasi va ma’naviyat asoslari” kabi fanlarning 
o’qitilishi yo’lga qo’yildi. Xususan “Vatan tuyg’usi” fani orqali o’quvchi 
Vatanning muqaddasligi, xalqimizning boy tarixi, madaniy va ma’naviy merosi,
milliy va umumbashariy qadriyatlarimiz haqida ma’lumotga ega bo’lishi ko’zda 
tutilgan. Ijtimoiy-pedagogik tadqiqot natijalari ko’rsatishicha, amaldagi e’tiqod 
tarbiyasi tizimi mustaqil O’zbekiston yoshlarida sog’lom, mustahkam, milliy 
g’oyaga asoslangan e’tiqodni to’la shakllantirishga pedagogik kafolat bera 
olmaydi. “Vatan tug’usi” mazmun va mundarijasini yangilanishi mustahkam 
e’tiqodli, vatanparvar O’zbekiston fuqarolarini tarbiyalashga yo’naltirilishi zarur. 
Bunda milliy, tarixiy hamda zamonaviy urf-odat, an’analardan oqilona va 
samarali foydalanish lozim. 
Yuqorida keltirilgan integratsiyalangan dars jadvali va bir soatlik dars 
ishlanmasidan namunalarni bejiz keltirmadik. O’smirlarda sog’lom turmush 
e’tiqodni shakllantirishda tarbiyaviy jarayon bilan birga ta’limiy jarayon ham 
muhim rol o’ynaydi. Demak, bu jarayonda ota-onalar bilan birgalikda o’qituvchilar 
va ularning diniy savodxonligi katta ahamiyat kasb etadi.
Shu ma’noda aytish mumkinki, islom ta’limoti milliy tarbiya tizimiga yangi 
mazmun olib kirdi. Xususan, Qur’oni Karim ota-ona, farzandlik burchi, 
vatanparvarlik haqidagi suralari bilan katta ahamiyatga ega.