Самиғов н. А. Бино

Совуқ ҳолда профиллаш. Бу усулда лист ѐки юмалоқ ҳолдаги пўлатни прокат станларида шакли ўзгартирилади. Пўлат листлардан кўндалангига турли шаклдаги эгилган профиллар ясалади. Махсус яссиловчи станокларда юмалоқ стерженларни совуқ ҳолда профиллаб пўлат арматуралар тайѐрланади.

Пўлат буюмлар турлари

Пўлатдан тенгѐнли ва тенгѐнли бўлмаган, токчаларининг кенглиги 20- 250 мм ли бурчакликлар, баландлиги 50-400 мм ва токчаларининг кенглиги 32-115 мм ли швеллерлар, оддий қўштаврлар баландлиги 100-700 мм, кенг токчалиги 1000 мм ўлчамларда тайѐрланади (4.7-расм). Юмалоқ кесимли пўлат темирбетон конструкциялар учун арматура сифатида, квадрат кесимли прокатланган пўлат ва полоса пўлатлар буюм ва конструкциялар тайѐрлашда ишлатилади.
Профилланган пўлат асосида бино ва иншоот каркаслари, фермалари, томбоп тўсинлар, кўприк қурилмалари тайѐрланади.
Прокатлаш усулида пўлат листлар қуйидаги ўлчамларда ишлаб чиқарилади: эни 600-3800 ва қалинлиги 4-160 мм қалин пўлат лист; эни 600- 1400 ва қалинлиги 0,5-4 мм юпқа пўлат лист; эни 510-1500 ва қалинлиги 0,5-2 мм лист (туника) ва ш.к. Лист туника асосида гофрировка қилинган ва тўлқинсимон буюмлар ва ѐғингарчиликга чидамли рухланган туника листлар тайѐрланади.
Махсус пўлат листларни пайвандлаб диаметри 50-1620 мм бўлган қувурлар тайѐрланади. Қувурлар сув таъминоти тизимларида ишлатилади. Пўлатдан мих, болт, гайка, шайба, парчин мих ва скобалар, эшик ва дераза блоклари, ошиқ-мошиқлар, дасталар ва ш.к. тайѐрланади.

4.7.-расм. Прокатка қилинган пўлатлар сортаменти:

а-тенгѐнли бурчаклик; б-ѐнлари турли бурчаклик; в-швеллер; г-қўштавр; д- кран юрадиган релс; е-юмалоқ; ж-квадрат; з-полоса; и- свай шпунти; к-лист; л-тарам-тарам; м-тўлқинсимон.

Темирбетон конструкциялар учун пўлат арматуралар

Темирбетон конструкциялар тайѐрлашда стерженли, симли текис ва даврий кўндаланг кесимли, арқонсимон ўрилган арматуралар ишлатилади (4.8-расм). Арматуралар кам углеродли ва кам легирланган пўлатлардан тоблаш усулида мустаҳкамлиги оширилган, иссиқ ѐки совуқ ҳолда чўзилган бўлиши мумкин. Темирбетон конструкцияда А-IV-A-VI; Aт-IVC(K)-Aт- VIC(K) типидаги стерженли; В-II, Вр-II типидаги симли ва К-7, К-9 типидаги ўрилган арматуралар ишлатилади. Одатда А-I, A-II, A-III, Вр-I арматуралар
аввалдан тарангланмаган ҳолда, ўрилган ва юқори мустаҳкамликдаги стерженли арматуралар аввалдан тарангланган ҳолда темирбетон конструкцияларда ишлатилади. Аввалдан тарангланадиган арматура пўлати мураккаб таркибда легирланган, термик ѐки термомеханик қайта ишланган, нормаллашган ва 600-650⁰С бўшатилган бўлиши керак.
Пўлат таркибига легирловчи қўшимчалар-хром, марганец, кремний, мис, фосфор, алюминий ва бошқалар қўшилиб, термик ва термомеханик ишлов берилса, механик хоссалари ва коррозия муҳитига чидамлилиги ортади. Арматура сифатида ишлатиладиган пўлатнинг чўзилишдаги мустаҳкамлик чегараси муҳим аҳамиятга эга, чунки ишчи арматура темирбетон конструкциясининг чўзилувчи қисмига қўйилади. Пўлат арматура характеристикалари 4.2-жадвалда берилган.