Самиғов н. А. Бино

Пўлатнинг турлари

Углеродли пўлатлар. Углеродли пўлатларнинг оддий ва сифатли турлари ишлаб чиқарилади. Таркибидаги FeO миқдорига нисбатан углеродли пўлатлар қуйидаги турларга бўлинади: FeO минимал миқдорда бўлса сокин (СП), ўртача бўлса ярим сокин (ПС) ва максимал миқдорда бўлса қайнайдиган (КП).
Оддий сифатли углеродли пўлатлар сифат кафолати бўйича А, Б ва В гуруҳларга бўлинади. Улар Ст1, Ст2, Ст3, Ст4, Ст5, Ст6 ҳолда маркаланади. Оксидсизлантириш даражасини ва сифат кафолатини ҳисобга олиб углеродли пўлатларга мисол тариқасида АСт3СП, ВСт4ПС, ВСт3КП ва ш.к. келтириш мумкин. Пўлатларнинг А, Б, В гуруҳлари мос равишда механик, кимѐвий ва механик-кимѐвий хоссалари кафолатланган бўлади.
Таркибида углерод миқдори оз бўлган пўлатларнинг пластиклиги ва зарбий мустаҳкамлиги юқори бўлади. Углерод миқдори ортиб кетса, пўлат мўртлашади ва қаттиқ бўлади. Углеродли пўлатларнинг сифатини баҳолаш мезони-чўзилишдаги оқувчанлиги, мустаҳкамлик чегаралари ҳамда нисбий узайишидир (4.1-жадвал).
Қурилиш конструкциялари учун пўлатнинг ВСт3сп (пс) ва ВСт3 Гпс гуруҳлари ишлатилади. Улар таркибида углерод 0,14-0,22%, марганец 0,4-
0,65%, кремний 0,05-0,17% СП учун (0,12-0,3% ПС учун) бўлади. Бу пўлатдан бино ва иншоотларнинг металл конструкциялари, резервуарлар, электр узатиш линиялари ва трубопроводлар таянчлари, темирбетон учун арматуралар ва тўрлар тайѐрланади.

4.1-жадвал Оддий сифатли углеродли пўлатларнинг механик хоссалари

А гуруҳдаги пўлат маркалари	Чўзилишдаги мустаҳкамлик чегараси, МПа	Оқувчанлик чегараси, МПа	Нисбий узайиши, %
СТ 1 СТ 2 СТ 3 СТ 4 СТ 5 СТ 6	320-420 340-440 380-490 420-540 460-600 камида 600	- 200-230 210-250 240-270 260-290 300-320	31-34 29-32 23-26 21-24 17-20 12-15