Самиғов н. А. Бино

Металларни коррозия ва оловдан ҳимоялаш

Коррозия турлари

Металлар коррозияси ишлатиш муҳитига қараб кимѐвий ѐки электр- кимѐвий турларга бўлинади.
Кимѐвий коррозия. Кимѐвий коррозия электролит бўлмаган органик газ ва суюқликларнинг металларга таъсиридан вужудга келади. Кимѐвий коррозиянинг бу турида металл юзаси юқори ҳароратда оксидланади. Бу турдаги коррозия кам учрайди.
Электр-кимѐвий коррозия. Металларда электролитлар-кислота, ишқор ва тузларнинг эритмалари таъсирида электр-кимѐвий коррозия вужудга келади. Агрессив муҳитларда коррозияга металл ионларининг эритмага аста- секин ўтиб емирилиши сабаб бўлади. Турли металлар контактлашганда галваник ток ўтиши туфайли улар электр-кимѐвий коррозияга учраши эҳтимоли кўп бўлади. Металлар структураси бир жинсли бўлмагани учун
микрокоррозия вужудга келиши ва аста-секин кристаллараро коррозияга айланиши мумкин.
Электр-кимѐвий коррозия атмосфера, ер ости сувлари ва нам тупроқда, шунингдек дайди токлар таъсирида ҳосил бўлади. Бино ва иншоотларнинг очиқ ҳавода ишлайдиган қисмлари ѐғин-сочин таъсирида коррозияланади. Атмосферадаги сув-ҳаво аралашмаси таркибидаги карбонат ангидриди ва олтингугурт пўлатни коррозиялайдиган электролит ҳосил қилади. Бунда пўлат коррозия муҳитининг концентрациясига қараб тез ѐки аста-секин емирилади. Ер ости металл конструкциялари, қувурлар дайди токлар таъсирида электр-кимѐвий коррозияга учрайди. Дайди токлар ер ости кабеллари, электропоезд темир йўл излари, электр подстанцияларига яқин ерларда ҳосил бўлади.

Металлни коррозиядан ҳимоялаш

Металларни коррозиядан лок-бўѐқ, металл ва нометалл қопламалар воситасида ҳамда металл таркибига легирловчи элементлар киритиб ҳимоялаш мумкин.
Лок-бўѐқ билан қоплаш металлни коррозиядан ҳимоялашда энг кенг тарқалган усулдир. Қопламалар нитроэмаллар, нефт, тошкўмир ва синтетик локлар, олифлар ва ўсимлик мойларидан тайѐрланган бўѐқлар, полимерлар асосидаги кукун тўлдиргичли ва тўлдирилмаган композициялар билан ҳосил қилинади. Лок-бўѐқ қопламалари металлни коррозиядан сақлайди ҳамда безак вазифасини ўтайди.