Samarqand viloyati xalq ta’limi xodimlarini qayta tayyorlash va ularning malakasini oshirish hududiy markazi maktabgacha ta’lim muassasasi tarbiyachisi kasbiy qayta tayyorlash kursi 4-guruh tinglovchisi berdiyeva zilolaning

MAVZU: MAKTABGACHA TA’LIM MUASSASALARIDA DASTUR ASOSIDA TA’LIM TARBIYA ISHLARINI REJALASHTIRISH
ANNOTATSIYA
“Maktabgacha ta’lim muassasalarida dastur asosida ta’lim tarbiya ishlarini rejalashtirish” mavzusidagi bitiruv ishida Oʻzbekistonda ijtimoiy maktabgacha ta’limning vujudga kelishi va taraqqiyot bosqichlari, ta’lim tarbiya jarayonini rejalashtirishga qoʻyiladigan asosiy talablar, ta’limiy ishlarni rejalashtirishning oʻziga xos xususiyatlari yuzasidan ma’lumotlar va uslubiy tavsiyalar berilgan. Xulosa qismi yozilgan, foydalanilgan adabiyotlar roʻyxati keltirilgan.

Mundarija
Kirish…………………………………………………………………………….3
I BOB. MAKTABGACHA TA’LIM MUASSASALARIDA PEDAGOGIK JARAYONNI REJALASHTIRISHNING NAZARIY ASOSLARI.
1.1. Oʻzbekistonda ijtimoiy maktabgacha ta’limning vujudga kelishi va taraqqiyot bosqichlari………………………………………………………………………….7
1.2. Maktabgacha ta’lim muassasalarida ta’lim tarbiya jarayonini rejalashtirishga qoʻyiladigan asosiy talablar……………………………………………………….18
II BOB. MAKTABGACHA TA’LIM MUASSASALARIDA PEDEGOGIK JARAYONNI REJALASHTIRISHNING AMALIY JIHATLARI.
2.1. Maktabgacha ta’lim muassasalarida dastur asosida ta’lim tarbiya ishlarini rejalashtirish ……………………………………………………………………26
2.2. Turli yosh guruhlarida tarbiyaviy ishni rеjalashtirish xususiyatlari………………………………………………………………….…...30
Xulosa…………………………………………………………………………….41
Foydalanilgan adabiyotlar…………...…………………………………………...42

Kirish
Mavzuning dolzarbligi. Maktabgacha ta’lim uzluksiz ta’lim tizimining boshlangʻich boʻgʻini sifatida Oʻzbekiston Respublikasining «Ta’lim toʻgʻrisida»gi Qonuni va «Kadrlar tayyorlash milliy dasturi» talablari asosida tashkil etiladi.

Maktabgacha ta’lim sogʻlom, har tomonlama yetuk bolalarni tarbiyalash uchun zarur tashkiliy, uslubiy, psixo­logik pedagogik shart-sharoitlar yaratadi, Bolalarni maktabda muntazam ravishda ta’lim olishga tayyorlashda ota-onalarga yordam beradi. Maktabgacha ta’lim bola 6-7 yoshga yetguncha oilada hamda davlat va nodavlat maktabgacha ta’lim muassasalarida amalga oshiriladi.
Maktabgacha ta’lim bola shaxsini maktabgacha yoshdagi bolalar ta’lim-tarbiyasiga qoʻllanadigan davlat talablariga muvofiq, jismoniy, ma’naviy va intelluktual jihatdan maktabda oʻqishga tayyorlashni nazarda tutadi.
Maktabgacha ta’limning vazifalari quyidagilardan iborat:

• 
  bolalar hayotini muhofaza etish va sogʻligini mustahkamlash;
  
• 
  bola shaxsi asoslarini shakllaitirish, uning bilimga qiziqishini rivojlantirish;
  
• 
  bolaning intellektual, shaxsiy va jismoniy rivojlanishini ta’minlash;
  

bola rivojlanishidagi nuqsonlarni bartaraf etish;

• 
  bolalarni milliy va umuminsoniy qadriyatlar bilan tanishtirish;
  
• 
  bolalarni jismoniy, ma’naviy va intelluktual jihatdan maktabda oʻqishga tayyorlash.
  

Maktabgacha ta’lim uzluksiz ta’limning barcha boʻgʻinlari bilan mustahkam aloqa va uzviy bogʻliqlikda olib boriladi.
Maktabgacha ta’lim muassasasi ana shu huquqiy asoslarga tayangan holda oila va jamiyatning bolalarga gʻamxoʻrlik qilish, milliy va mintaqaviy xususiyatlarni e’tiborga olib, ularni har tomonlama barkamol insonlar etib tarbiyalash maqsadida tashkil etiladi.
Ijtimoiy maktabgacha ta’lim bu — davlat tomonidan tashkil etiladigan muassasa boʻlib, unda maktabgacha ta’­lim yoshidagi bolalarga ta’lim-tarbiya beriladi.
Maktabgacha ta’lim bolaning sogʻlom, har tomonlama kamol topib shakllanishini ta’minlaydi, unda oʻqishga intilish hissini uygʻotadi, muntazam ta’lim olishga tay- yorlaydi. Maktabgacha ta’lim bola 6-7 yoshga yetgunicha davlat va nodavlat maktabgacha ta’lim muassasalarida hamda oilada amalga oshiriladi. Maktabgacha ta’lim maqsadi va vazifalarini roʻyobga chiqarishda mahallalar, jamoat va xayriya tashkilotlari, xalqaro fondlar faol ishtirok etadi.
Maktabgacha ta’limni rivojlantirish uchun quyidagi ustuvor vazifalarni amalga oshirish zarur:

• 
  yuqori malakali tarbiyachi va pedagog kadrlarni tay­yorlash;
  
• 
  maktabgacha ta’limning samarali psixologik-pedagogik uslublarini yaratish va amaliyotga joriy etish;
  
• 
  bolalarni oilada tarbiyalashni tashkiliy, psixologik, pedagogik va uslubiy jihatdan ta’minlash;
  
• 
  zamonaviy uquv-uslubiy qoʻllanmalar, texnik vositalar, oʻyinchoqlar va oʻyinlar yaratish hamda ularni ta’lim-tarbiya jarayoniga tatbiq etish;
  
• 
  bolalarni xalqimizning boy madaniy-tarixiy merosi va umumbashariy qadriyatlar asosida ma’naviy-axloqiy jihatdan tarbiyalash uchun zarur shart-sharoitlar yaratish;
  
• 
  maktabgacha ta’lim muassasalarining har xil turlari uchun muqobil dasturlarni tanlab olish, barcha masalalar boʻyicha malakali maslahat koʻrsatish imkoniyatini yaratish;
  
• 
  maktabgacha ta’lim va sogʻlomlashtirish muassasala­ri tarmogʻini qoʻllab-quvvatlash va rivojlantirish texnologiyalarini ishlab chiqish va amaliyotga joriy etish.