Samarqand viloyati xalq ta’limi xodimlarini qayta tayyorlash va ularning malakasini oshirish hududiy markazi maktabgacha ta’lim muassasasi tarbiyachisi kasbiy qayta tayyorlash kursi 4-guruh tinglovchisi berdiyeva zilolaning

Ma’ruzalar
Maktabgacha ta’lim muassasalari xodimlarining gʻoyaviy-siyosiy, ma’naviy-mafkuraviy, madaniy va ishlash malakalarini oʻstirish uchun ijtimoiy-siyosiy, ta’lim- tarbiya, ma’naviy-ma’rifiy mavzular boʻyicha oʻtkazilishi mumkin. Bunday tadbirlar maktabgacha ta’lim muas­sasasi xodimlari bilimi va dunyoqarashini kengaytiradi, siyosiy va ma’naviy jihatdan yetuk boʻlishiga xizmat qiladi. Bu maqsadga erishish uchun ma’ruzalar yuksak ilmiy-gʻoyaviy saviyada, amaliyot bilan uzviy bogʻliq holda oʻtkazilishi talab etiladi.
Oʻz ustida ishlash
Bu - maktabgacha ta’lim muassasasi xodimlarining oʻz ustida tinimsiz ishlashi, kasb mahorati va malakasini, gʻoyaviy-siyosiy saviyasini oshirib borish borasidagi fao­liyatining keng tarqalgan shakllaridan biri.
Maktabgacha ta’lim muassasasi xodimlari ish rejasida maktabgacha ta’lim boʻyicha nazariy-amaliy masala­larni chuqur oʻzlashtirish, maktab ta’lim dasturini, us­lubiy adabiyotlarni oʻrganish oʻz ifodasini topadi.
Yillik rejada ish jarayonida qiyinchilik keltirib chiqargan bir yoki bir necha mavzu aks ettirilib, bunda nafaqat tegishli mavzularni, balki tegishli ilmiy-uslubiy adabiyotlarga tayangan holda qiyinchilik tugʻdirgan masalalarni oʻrganishga ham alohida e’tibor beriladi.
Mudira kasaba uyushma raisi bilan birgalikda oʻz us­tida ishlashni qanday tashkil etish, bu tadbirlarni tizimli, aniq reja asosida olib borish yoʻl-yoʻriqlarini belgilashi lozim. Bunda tashkiliy-pedagogik vazifalarni amalga oshirishda zarur shart-sharoit, oʻquv-uslubiy adabiyotlar, bajaruvchi — javobgar shaxslar aniq belgilanishi va ularning bajarilishi mudira tomonidan na­zorat etib borilishi kerak.
Maktabgacha ta’lim muassasalarida tashkil etiladi­gan ochiq eshiklar kuni gʻoyat ahamiyatlidir. Bunda mak­tabgacha ta’lim muassasasining butun faoliyati ota-ona­lar tomonidan kuzatiladi, yoʻl qoʻyilayotgan kamchiliklar oʻz vaqtida hal etiladi. Maktabgacha ta’lim muassasasi­ning barcha xodimlari ochiq eshiklar kunini oʻtkazishga jiddiy tayyorgarlik koʻradi.
Yakkama-yakka suhbat — bola tarbiyasida qiynalgan ota- onalar uchun tashkil qilinadi, bunda guruh tarbiyachisi va muassasa mudirasi ilmiy asoslangan holda masalalarni hal etmogʻi lozim.