Samarqand davlat universiteti isoqjon negmatov ijtimoiy ishning etik

Ijtimoiy ish sohasida faoliyat olib boruvchi agentlik, muassasa va 
tashkilotlar bilan o‘zaro munosabatlarda ijtimoiy ish xodimi 
quyidagilarga 
amal qilish lozimligi ko‘rsatilgan: 
1. Ijtimoiy siyosat, ijtimoiy ish uslublari va amaliyoti doirasida mijozlarga 
sifatli yordam ko‘rsatish va ijtimoiy ishni kasbiy jihatdan qo‘llab-quvvatlashga 
qaratilgan agentlik, muassasa va tashkilotlar bilan mustahkam hamkorlikda 
ishlash; 
2. Agentlik, muassasa yoki tashkilotning nizomdagi maqsadlari va vazifa-
lariga to‘la mas’uliyat bilan munosabatda bo‘lish. Ijtimoiy ishning eng yuksak 
stan-dartlariga erishish maqsadida amalga oshirilayotgan ijtimoiy siyosatni, uning 
uslubiyoti va amaliyotini ishlab chiqishga o‘z hissasini qo‘shish; 
3. Mijoz taqdiriga to‘la mas’uliyat bilan munosabatda bo‘lish; ijtimoiy 
siyosatga, uning uslubiyoti va amaliyotiga zarur o‘zgarishlarni tegishli agentliklar 
va tashkilotlar orqali kiritish. Bunda barcha imkoniyatlardan foydalanish, biroq 
o‘zgartirishlarni kiritishning imkoni bo‘lmasa, holat yuzasidan yuqori 
tashkilotlarga yoki manfaatdor keng jamoatchilikka yetkazish; 
4. Mijozga to‘g‘risidagi yoki jamoaga tegishli ijtimoiy ish samaradorligi 
to‘g‘risidagi axborotni mijozlarga, agentlik va tashkilotlarga yetkazish va sodir 
bo‘lishi mumkin bo‘lgan ijtimoiy muammolarni davriy tahlil qilib borish, shuning-
dek, shaxsiy faoliyat davomida kuzatiladigan axborotlarni tahlil qilish orqali 
kasbiy hisobotlar tayyorlash va taqdim qilish; 
5. Ijtimoiy ish axloqiy tamoyillariga mos kelmaydigan harakat, protsedura 
va amaliyotiga zid bo‘lgan xatti-harakatlarni qilmaslik belgilangan. 
Ijtimoiy ish xodimi o‘z hamkasblar bilan o‘zaro munosabatlarda
quyi-
dagi standartlar amal qilishi lozimiligi ko‘rsatilgan: 

---

226 
1. Hamkasblaringiz va boshqa mutaxassislarning kasbiy tayyorgarligi va 
amaliy faoliyatiga hurmat bilan munosabatda bo‘ling, ularga ijtimoiy ish 
samaradorligiga erishishlarida qo‘lingizdan kelgan yordamni bering; 
2. Hamkasblaringiz va boshqa mutaxassislarning turlicha fikrlari va amaliy 
yondashuvlariga hurmat bilan munosabatda bo‘ling, tegishli instansiyalarda 
tanqidiy mulohazalaringizni to‘la mas’uliyat bilan bayon qiling; 
3. Hamkasblaringizga, boshqa mutaxassislar va ko‘ngillilar orasida bir-
birlarini o‘zaro mukammallashtirish va o‘zlarini namoyon qilish maqsadida 
bajarayotgan ishlarida ko‘maklashing. Shuningdek, bilim va ko‘nikmalarni 
boyitishga, masalaning ijobiy yechimiga doir bo‘lgan g‘oyalarini targ‘ib etishda 
ko‘maklashing; 
4. Mijozlar manfaatlari yoki axloq normalari buzilishi to‘g‘risidagi har 
qanday ma’lumotlarni tegishli idoralarga yetkazing; 
5. Hamkasblaringizni adolatsiz xurujlardan himoya qiling.