С а д р и д д и н а й н и й э с к и м а к т а б

хотин қози ва ҳокимга бориб арз қилса, дарров буларнинг
шогирдпеша ва мулозимлари келиб, ҳеч бир текширмасдан, Одина-
ни Арбоб қўлида йўқолган ҳисоблаб, қатта бир маблағ оларлар.
Агар бу орада Одина топилиб қолса-чи, унда уни қочоқ ҳисоблаб,
Арбобнинг қуллиғига яна маҳкамроқ қилиб топширар эдилар.
Лекин, ҳали у Қоратегин ҳокимларининг қўллари етадиган ва
кўзлари тушадиган ерда йўқ эди.
Арбоб кўринишда ўз ғурурини синдирмасдан:
г Бор, қаерга борсанг ўша ерга бор, мен ҳеч кимдан қўрқмай-
ман,— деб дўқ урса ҳам, юқоридаги мулоҳазалар билан ич-ичидан
жуда қаттиқ қўрқувга тушган эди.
Шунинг учун тездан қишлоққа борди-да, бир-иккита мўйсафид-
ни топиб, уларга бўлган воқеани сўйлади ва улардан Ойшабиби-
ни ҳокимхона йўлидан қайтармоқларини сўради.
Катталар Ойшабибини йўлда тўхтатиб, унга гапирдилар ва
бундан кейин Арбоб томонидан ҳеч бир зарар-заҳмат бўлмаслигини
ваъда бердилар.
Одинани Арбоб қўлида нобуд бўлмаганини аниқ билган ва бу
ҳаракатларни ёлғиз Арбоб ҳужумидан сақланмоқ учун қилган
Ойшабиби ҳам, гўё катталарнинг юзхотирлари учун ҳокимхона
йўлидан қайтди ва ўзининг йўқолган Юсуфи ғамида ўз ғамхонаси-
да ўтирмоқни муносиб кўрди.
VI
ҲУСНИ ТАБИИЙ
Сиз тоғларни томоша қилгандирсиз, ҳеч бўлмаганда кўклам
чогларида қир этакларини, сой бўйларини кўргандирсиз: тоғ этак-
ларига етишганингиз ҳамон, димоғингизга баҳор шамоли билан
20
www.ziyouz.com kutubxonasi

---

бирга нозик бир хушбўйлик урилади. Сиз мумкин қадар бу хуш
исни ҳидлайсиз, бу ёқимли ҳавони кўкрагингиз сигдирганча юта-
сиз, бу яхши ислардан ҳар замон димоғингизда тозалик, бу тоза