С а д р и д д и н а й н и й э с к и м а к т а б

мумкин эмас эди. Чунки бундай ҳаракатлар Одинанинг қўлга
олинмоғига сабаб бўлар эди. Шунинг учун нафасини ичига ютиб,
сукут сақламоққа мажбур эди. Аммо қандай сукут сақласин?
Юраги айрилиқ ва ҳижрон ўти билан кўмирчилар кўрасидек
ёнадир. Алангасини ташқарига чиқара олмайдир. Дуруст, икки
кўзидан оқадиган қонли ёшлар бу ўтни сўндириш, бу куйишни
пасайтиришда эдилар. Лекин бу кўз ёшлари чўян эритадиган
дошларга томган томчилардек асарсиз кётар эди.
Ойшабиби бир ҳафтагача ўтга тушган қилдек куйиш аломати
кўрсатмасдан ўз-ўзидан буралар, остига ўт тушган сомон тўдасидек
очиқ аланга чиқармасдан ич-ичидан ёиар эди.
Одинанинг касал бўлувидан бир ҳафта ўтди. Ҳали ҳам унинг
ўлик-тиригидан дарак йўқ. Арбоб Камол: «Соғайиб қолган бўлса
ҳам ажаб эмас, чунки «Дард, бошқа, ажал бошқа», деганлар, деб
ўйлади. Ўғли Ибодни чақириб:
— Одинанинг уйиГа бориб хабар о л ,- деди,— Агарда тузалиб
қолган бўлса келиб қўйларга қарасин, агарда ҳали-бери соғаяди-
ган бўлмаса бошқа бирон киши топмоқ керак,— деди.
Ибод Ойшабибининг уйига бориб, Одинанинг ҳолини сўради.
Ойшабиби Одина ўргатган гапларни эслаб:
Кейинги кунларда бир оз тузалиб, бошини ёстиқдан кўтарган
18
www.ziyouz.com kutubxonasi

---

эди, ўтган кун сизнинг уйингизга кетган эди, сенинг сўровингдан,
Одина сизларникида йўққа ўхшайди, у бормадими?— деди.
— Мен,— деди Ибод ажабланиб,— ҳозир отамнинг буйруги би-
лан Одинадан хабар олгани келдим. Келтириб сенга топширгани-
миздан бери Одина бизникига қайтгани йўқ, қаерга кгтди экан?
Жуда қизиқ бу!
Ойшабиби ўз вазифасини адо қилиб, ўз ролини муваффақият
билан ўйнаган, яъни неварасинннг сирини шу кунгача яшириб,