С а д р и д д и н а й н и й э с к и м а к т а б

бўлса керак, ўқувчиларнинг диққатини ўзига тортди. Рус тилида
икки дафъа таржима бўлиб, уч бор босилди. Рус матбуоти буни
танқидга лойиқ топиб, асосий камчиликларини кўрсатиб, яхши
баҳо берди.
Бу ҳикояни Ўзбек Давлат нашриёти таржима қилдирмоқчи
бўлганда, ўзбекчам заиф бўлса ҳам, таржимани ўз бўйнимга олдим,
таржима вақтида қайтадан ишлаб, имкон борича шўро матбуоти
ва ўқувчилар оммаси томонидан кўрсатилган камчиликларни ту-
затмоққа уриндим, тузатиш чоғида эса ҳикоянинг аслига ва тари-
хий ҳусусиятига халал келтирарли даражада ўзгартиш киритма-
дим.
Шундай қилиб, бу ҳикояни муҳтарам ўзбек ўқувчиларига
тожик янги адабиётининг мукаммал намунаси деб эмас, балки
бундан уч-тўрт йил бурун тартиб қилиниб, тожик ишчи-деҳқони-
нинг Бухоро инқилоби арафасидаги ҳолини тасвир қиладиган
«эрта пишар» бир меваси деб тортиқ қиламан.
Самарцанд, 1929 йил 29 сентябрь.
С. АЙНИЙ
www.ziyouz.com kutubxonasi

---

I
ОДИНА
Одина ўн икки яшарлигида ота-онасидан айрилиб, етим қолган
эди. Одинанинг отаси камбағал бир киши бўлиб, ўлар чоғида
бир ёш сигиридан бўлак қеч бир мерос қолдирмаган эди. Одина-
нинг отаси ўлгандан кейин унинг уйига Қоратегин вилоятининг
қозиси мулозим ва муфти юбориб, унинг молини тарака' эттир-
ди. Қозининг тарака пулиси, муфти ва мулозимнинг хизмат ҳақла-
ри учун сигирни сотиб сарф қилувдан бошқа, яна тағин сағир
Одина қишлоқ арбоби1
 2 Камолдан ўн танга қарздор бўлди. Одинани
ўз тарбиясига олган катта онаси тилидан бу қарз учун қуйидаги
мазмунда хат олинди:
«Мен Ойшабиби Шоҳмурод қизи, ўз набирам сағир Одина