С а д р и д д и н а й н и й э с к и м а к т а б

залвари билан ўз еридан қўпорилган тошлар яна бошқа тошларга
тегиб, уларни ерларидан қўзғатар эдилар. Шундай бўлиб, бир тош
бир неча тошни, бир неча тош бир неча ўн тошни ўз ўрнидан
иргитиб, тог ва сой орасини тошбўрон ҳолга келтирди. Тошлар-
нинг бир-бирларига тегишларидан пайдо бўлган шарақ-шуруқлар-
нинг тоғ томондаи юзларча бўлиб чиққан акси садолари ўтлоқ-
нинг ҳар томонига ўтламоқ учун тарқалган қўйларни ҳуркитиб,
узоқ ерларга тўзғитиб юборди.
Бу ғулгула билан ширин уйқудан уйғонган Одина кўзларини
уқалаб, ҳодисани англамоқ истар эди. Бу пайтда тош товушларн
кесилган бўлса ҳам қўйларнинг ҳуркиб қочишлари ҳануз давом
қилмоқда эди. Одина сурига бўри учрагандир, деб ўйлади, юмшоқ-
Сурув домоқчи.
7
www.ziyouz.com kutubxonasi

---

лик ва секинлик билан «ба қурай-ба қурай» деб уларни бир оралиқ-
қа тўплаб, бир-бир кўздан кечирди.
«Бир қўй билан бир эчки орада йўқми?»
Ўзи ўзига берган бу сўроғи Одина учун жуда даҳшатли эди.
Қўйлар титраб, ҳуркиб сой томонга қарамоқда эдилар. Одина бу
ҳолдан, ҳа, ўша томонда бир иш бўлса керак, деб ўйлади ва
текширмоқ учун сой бўйига бориб, пастга кўз ташлади: эчки эса
жар ён бағрида дунёда ҳеч бир воқеа бўлмагандек, тинчгина,
ўсимликларни ғирчиллатиб узиб емоқда эди. Одина эчкининг топи-
лувидан қўйшшг ҳам топилувига умидвор бўлиб, ундан-да паст-
роққа кўз солди. Қўй бўлса сой тагида сув ичида узанган ҳолда
бошини юқори кўтариб қимирламоқда эди.
Одина ёмон туш кўриб, қора босган кишилар уйқудан уйғон-
ганларидек бир оз тинч туриб, қўйнинг йўқолишидан ўзида юз
берган даҳшатни бартараф қилди. Сўнгра жарликнинг бир томо-