Резервная копия Монография Адилбекова cdr

 A’zo va to‘qimalarni tekshirish. 
A’zolar
 
va to‘qimalar sud tibbiyoti 
ekspertizasining nisbatan kam uchraydigan ob’ektlari hisoblanadi. Bunda quyidagi 
savollar yechiladi: tekshirilayotgan ob’ektni a’zolar
 
va to‘qimalarga aloqadorligi, 
turlarga bog‘liqligi, guruhlarga xosligi, jinsiy aloqadorligi, a’zo va to‘qimalarni 
homilador ayollarga taalluqligini aniqlash masalalariga alohida ahamiyat beriladi. 
Ekspertizaning ob’ekti murdani bo‘lingan qismlari yoki aviatsion halokat 
paytidagi katta qoldiqlari hisoblanilib, ularni odamga aloqadorligiga hech bir 
shubha tug‘ilmaydi. Bunday hollarda ekspertizaning maqsadi topilgan alohida 
bo‘lakchalar bitta murdadan hosil bo‘lishi mumkinligi yoki topilgan qoldiqlar aniq 
kishiga alokadorligini aniqlash hisoblanadi. 
Buning uchun ekspertiza ob’ektlarini jinsiy va guruhlarga xosligini 
aniqlashga to‘g‘ri keladi, shuningdek ularni homilador ayoldan kelib chiqishligi 
o‘rganiladi. Ekspertiza uchun mayda to‘qima bo‘lakchalari, jarohatlovchi 
predmetlarda hujayra qoplamalari, a’zo va to‘qimalar takdim qilinishi mumkin. 
Biroq ularning kelib chiqishini maxsus tekshiruvsiz aniqlab bo‘lmaydi. Bunday 
hollarda ekspertizani oldida barcha yoki deyarli barcha ko‘rsatilgan savollar turadi. 
Ichki a’zo va to‘qimalarning jinsiy alokadorligi va hujayra elementlari sitologik 
usulda tekshiriladi. Qolgan a’zolar serologik tekshirishdan o‘tkaziladi. 
A’zo va to‘qimalarning turlarga aloqadorligini aniqlash. 
Buning uchun 
tekshiriluvchi ob’ektlar (yumshoq to‘qimalar qaychi yordamida, suyaklar esa 
arrada) maydalanadi va osh tuzining izotonik eritmasida ajratiladi. Material yetarli 
miqdorda bo‘lganda ajralma pretsipitatsiya reaksiyasi orqali tekshiriladi. Agar 
ob’ektni o‘lchamlari chegaralangan bo‘lsa, unda ancha sezuvchan muqobil 
immuno-elektroforez usuli qo‘llanilgani ma’qul.