Respublikasi oliy va o’rta maxsus ta’lim vazirligi namangan muhandislik-pedagogika

O’lchov asboblariga quyidagilar kiradi:

• 
  richagli mexaniq asboblar (indikatorlar, indikatorli nutrometrlar, richagli tutqichlar);
  
• 
  optik-mexaniq asboblar (optimer, mikroskop, proektor, interferometrlar);
  
• 
  elektr asboblar (profilometrlar).
  

Yuqorida ko’rsatib o’tilgan asboblarning aniq o’lchashini va qimmatbaholigini hisobga olib, ulardan foydalanish hamda saqlash haqidagi instruktsiyaga amal qilish kerak.
Tekislilik va to’g’ri chiziqlilikni nazorat qilish asboblaridan biri bo’lgan lekalo chizg’ichlari uch turda tayyorlanadi: ikki tomonlama chegalangan (LD), uzunligi 80, 125, 200, 320 va 500 mm; uch qirrali (LT), uzunligi 200 va 350 mm; to’rt qirrali (LCH), uzunligi 200, 350 va 500 mm.
Lekalo chizg’ichlari bilan to’g’ri chiziqlilikni «yorig’lik tirqishi» usulida tekshiriladi. Buning uchun chizg’ichning o’tkir qirrasini tekshiriladigan sirtga qo’yiladi. Detal bilan chizg’ich orasidan yorug’lik o’tishi yuzaning to’g’ri chiziqdan og’ganini ko’rsatadi.
Tekshiruv taxtalari katta sirtli detallarni tekshirish uchun qo’llaniladi. Ular mayda donali kulrang cho’yandan yasaladi. Ish yuzasining aniqligi bo’yicha taxtalar 4 klassga bo’linadi: 0, 1, 2 va 3. Birinchi uch klassi tekshiruvda, to’rtinchisi esa rejalashda qo’llaniladi. Taxtalarda bo’yoq usulida tekshirish yuqorida ko’rsatib o’tilgandek bajariladi.

SHtangenasboblar

SHtangenasboblar mashinasozlikda ko’p qo’llaniladi. Ulardan detallarning ichki, tashqi diametrlari, uzunligi, eni, qalinligi, chuqurligi va boshqa qismlarini o’lchashda foydalaniladi.
SHtangentsirkullarning uch turi-SHTS-I, SHTS-II, SHTS-III ishlatiladi. Ularning o’lchash chegaralari har xildir: 0-125 mm (SHTS-1); 0-160 mm (SHTS-II); 0-400 mm (SHTS- III). Nonius bo’yicha sanoqlari 0,1 mm (SHTS-I) va 0,05 mm (SHTS-II va SHTS-III).