Режа: Вагонларнинг юк кўтаришидан ва сиғимидан фойдаланиш

Вагонларнинг юк кўтаришидан фойдаланишга: юкнинг ҳажмий массаси, вагонларнинг конструкциясини юкларнинг характерига мувофиқлиги, вагоннинг сиғимини оширувчи мосламаларни қўллаш, идиш ва ўровларнинг характери, юкларнинг ортиш шарт-шароитлари ва ҳ.к. таъсир этади. Ҳозирда вагонларнинг юк кўтаришидан фойдаланиш коэффициенти ҳамма юк вагонлар парки учун kюк = 0,80 – 0,82 ни ташкил этади, яъни ўрта ҳисобда ҳар бир вагоннинг юк кўтаришидан 80 – 82 % фойдаланилади. Лекин амалиётда баъзи бир турдаги вагонлар (платформалар, изотермик вагонлар) учун унинг юк кўтаришидан фойдаланиш коэффициенти kюк = 0,45 – 0,55 ни ташкил этса, бошқа турдаги вагонлар (ярим очиқ вагонлар ва ихтисослаштирилган вагонлар) учун бу коэффициэнтни қиймати kюк  0,94 – 1,0 ни ташкил этади. Булардан кўриниб турибдики, амалиётда ҳали – хануз вагонларнинг юк кўтаришидан фойдаланишнинг заҳиралари анча бисёр, яъни вагонларнинг юк кўтаришидан фойдаланишнинг юксалтириш учун темир йўл транспортида анчагина чора-тадбирларни амалга ошириш керак бўлади.
16.2. Вагонларга ва контейнерларга юклашнинг техник нормалари.
Юклашнинг техник нормаси деб самарали усулда ташишга тайёрланган юкни, мазкур турдаги вагон ёки контейнерга уларни юк кўтаришидан ва сиғимидан энг яхши фойдаланиб ортилган мақбул миқдорига айтилади. Юклашнинг техник нормаси орқали юк жўнатувчи муайян юкдан у ёки бу вагонга, контейнерга максимал миқдорда мумкинлигини тезликда аниқлаб олиши ва юк ташиш буюртманомасида керакли мидордаги вагон ёки контейнерларни сонини кўрсатиши мумкин.
Вагонларнинг юк кўтаришидан самарали фойдаланиш ҳалқ хўжалигида муҳим аҳамиятга эга эканлиги боис, вагонларга юк ортишнинг нормалаш масалалари Уставининг 54-бандида ўзининг ҳуқуқий ўрнини эгаллаган бўлиб, унда:
- вагон (контейнер) ларнинг юк кўтаришидан ёки сиғимидан максимал фойдаланиш ҳамда юкларни ташишга тайёрлаш (исканжалаш, пакетлаш, идишлаш, қисмларга ажратиш ва ҳ.к. лар) ни ва уларни вагон (контейнер) ларда жойлаштиришни илғор услубларини ҳисобга олиб, юкларни асрашни таъминлаш заруриятидан келиб чиққан ҳолда темир йўли вагонларга ва контейнерларга юклашнинг техник нормаларини тайинлаши;