Раќим соли бођдонли

21 август 1963 йил.


СОҒИНИБМАН
(Қиз мактуби)
Наҳот яна келмаса хабар,
Кечикар хат, қалбимда туғён –
Депсинади доим сен томон,
Йўқ, бугунмас, ҳар кун, ҳар сафар.

Соғинибман, кўзларингними –

Ишонч ила порлаган ўша,
Дилим сенга боғлаган ўша –
Ё дилрабо сўзларингними?..

Жоним, сенинг кўркам бўйингни –

Кўз олдимдан жилдиролмайман,
Ёдимда сен, сира толмайман,
Қани билсам шу он ўйингни.

Балки машқинг соз ўтганидан

Қувончларга тўлиб тошасан,
Хаёлингда довон ошасан,
Зиёдадир иш кутганингдан.

Ҳам соғинч-ла фахр этаман,

Шодланаман, қўриқчим деб ёр,
Васлинг қўмсаб, тураман зор-зор,
Хатинг, ҳатто ўзинг кутаман.

Кутдим сени уйганда хирмон,

Шодлигимга бўлса деб шерик,
Кўзларига боқсам дея тик,
Қалб каптардек учар сен томон.

Кўнгил уйин тўлдириб гулга,

Албат ёрим қайтиб келасан,
Зафар байтин айтиб келасан,
Интизоринг боқади йўлга.
2 апрель 1964 йил.


ҲАЁТ ЧОРЛАР
Кимлигингни мендан сўрайсан,
Кимлигингни наҳот билмасам.
Дардлатган сен, дардга ўрайсан,
Ичирмоқни истайсан қасам.

Кўзларингда табассум – оқин,

Кулгу эмас, чақнар бир чақин.
Юраккинам пойингда, қоқин –
Бунча унга бўлмасанг яқин.

Сўроқларга қолмади ҳожат,

Дил дил билан тепишди ҳамдам.
Сўроқларинг бир зум четга от –
Ҳаёт чорлар, ташлайлик қадам.


ГЎЗАЛЛИК
Гўзаллик олдида ким бош эгмайди,
Гўзаллар гўзали ўзингсан, дилбар.
Фақат сен, ўзгага ҳеч сўз тегмайди,
Сенсиз – кўзга дунё бир харобазор.

Ошуфта кўнгилни ажратмоқ маҳол,

Доимо ёдимда, кўз ўнгимда сен.
Ажаб, юз кўрсатдинг гўё навниҳол –
Чанқоқ дил кезганда, ишқ тонгимда сен.

Бутун хаёлимни ўғирлаб олдинг,

Фикру ёдим сенда, сенинг билан банд.
Бир бора илтифот – бир умр қолдинг,
Не ажаб қалб бўлса қалбингга пайванд.

Гўзаллик олдида ким бош эгмайди,

Фақат сен, ўзгага ҳеч сўз тегмайди.