Раќим соли бођдонли

2001.03.02
ДИЛДОРИМ ДЕДИМ

Бул чаманда, эй жонон, кўнглимдаги борим дедим,

Куйимга куйлар қўшар, сайроқи дуторим дедим.

Меҳрибоним, ғамхўрим дилга гўё офтоб бўлиб,

Бир умр шод айлагай топган навбаҳорим дедим.

Куйласам мадҳинг тошиб, қўшиқларим авжга чиқар,

Чекинар ғаму алам, қалбим интизорим дедим.

Кел, кетар мангу фироқ, айла тараҳҳум, эй, нигор,

Қай қачон ўзга биров йўлимда ҳамкорим дедим.

Њзга сўз ҳеч ҳам раво кўрмас Раҳим, дилбар, сенга,

Аҳдига чин вафодор бўлгуси дилдорим дедим.

ДУТОР БЎЛИБ ЯНГРАБ ЎТСИН

Қайғу билмас кўзларида кенг дунё жой қиз,

Кулгу сўнмас юзларида гулгун чирой қиз.

Ижод боғи гулшанида атринг таратдинг,

Ширин-ширин суҳбатинг-ла кўнглим яйратдинг.

Дилгинамга дард ташладинг, дардингни олай,

Қайта яна юз кўрсат сен, меҳрингга қонай.

Қалб парчаси – ижодингни бир-бир варақлай,

Кўра олсам унда изим, нурдай чарақлай.

Кел, ҳамдамим, дил торини чертайлик бирга,

Дутор бўлиб янграб ўтсин, у бир умрга.


ОРЗУМАНД ЎЛДИМ
Вафо осмонида бир гул кўрарга орзуманд ўлдим,
Жафо осмонидан айри юрарга орзуманд ўлдим.

Сўрарга арзи ҳол бир бор келарми ул гўзал ёрим,

Қошида арзи ҳол айлаб турарга орзуманд ўлдим.

Висол оқшомида яйраб, кўнгиллар шодумон кулса,

Онингдек йўқ висол гашти сурарга орзуманд ўлдим.

Табассум айлади гулрў, толеда бахт қуёш чиқди,

Табассумдан дилим қувнаб, қоларга орзуманд ўлдим.

Кел, эй Раҳим, висол они, кўнгилдан отма орзуйинг,

Ёрим ҳамдам, дарду ҳолин сўрарга орзуманд ўлдим.
2006-09-04


ДИЛДА ҚЎШИҚ

Дилбар, сенга дилдан эҳтиром,

Боқишларинг менга тутди жом.
Сипқараман, қонмас чанқоғим –
Дилдан кетди минг дарду алам.
Оламда бир нур топган бўлдим,
Пари насли, ҳур топган бўлдим.
Не-не тўсиқ ўтиб, ахтариб –
Сен билан ҳузур топган бўлдим.

Бунча барно, ҳуснинг ярашиқ,

Мажнун бўлмас қай битта ошиқ.
Оромижон кулгинг – бир жаҳон,
Дилда тўфон, қуюлдинг – қўшиқ.

Тошқин дарё бўл, қалбда тошгин,

Жўшқин дунё бўл, қалбда жўшгин.
Очун кўрки, тенгсиз малаги
Толе бўл, кел, толеинг қўшгил.