Раќим соли бођдонли

РАҲИМ СОЛИ БОҒДОНЛИ


С А Д О Қ А Т


ШЕЪРЛАР


ҲИКОЯЛАР

«Фан» нашриёти

ТОШКЕНТ – 2008

Раҳим Соли Боғдонли


САДОҚАТ
Шеърлар, ҳикоялар



Раҳим Соли Боғдонли (Абдураҳим Солиев) «Овозим»(1991), «Янги тонг ишқи»(2004), «Гулу гулзор»(2005), «Дил изҳори»(2006) каби шеърий тўпламлари билан аллақачонлар шеърият мухлислари эътиборини қозонган ижодкор. Қўлингиздаги «Садоқат» тўпламига эса, унинг Ватанни, оилани, севгини ардоқлашга ҳамда ҳар доим садоқатга ундовчи шеърлари билан бирга, унинг илк ижоди даврида ёзилган, асосий қисми матбуот юзини кўрган ҳикоялари ҳам ўрин олган, улар ёшлик ҳарорати билан йўғрилган. Албатта, бу тўплам ҳам олдингилари сингари сизни мамнун этади деган умиддамиз.

БУЮК ЎЛКАМ

Буюк ўлкам – қўйнинг беғубор,

Мунча кўркам, ҳуснинг чорлайди.
Ҳаёт завқи дилда пурвиқор,
Эрк ва кураш ўти порлайди.

Борлиғимни эгаллар ишонч,

Атрофимга боққанда ҳар чоқ.
Ҳар бир юзда табассум, севинч,
Гўзалликка бурканган ҳар ёқ.

Барчасини этдим қалбдан ҳис,

Мустақиллик меваси бари.
Орзу, армон ушалган боис,
Қайғу-алам чекинди нари.

Мустақилсан, муборак ўлкам,

Яйра, яшна, бўлавер кўркам.


ҚЎШИҚ – АЖИБ СОВҒА

Келинг, қўшиқ айтиб, дил яйратайлик,

Бугун диёримда тўй-шодиёна.
Қўшиқ – ажиб совға, қўшиқ ҳам бойлик,
Қўшиқ – қадимдандир, наёб тўёна.

Давралар жаранги шод қўшиқ билан,

Турмушга минг чирой бахшида қўшиқ.
Дилим ҳамфикрдир ҳар ошиқ билан,
Мустақил диёрга ким ҳам қўймас ишқ.

Нонвойнинг нонидек азиз бу тупроқ,

Наврўздан бошланар файзу барака.
Даврада тўкинлик: толеим – порлоқ,
Шу кун етказажак, албат тилакка.

Келинг, қўшиқ айтиб, дил яйратайлик,

Қўшиқ – ажиб совға, қўшиқ ҳам бойлик.