Qutlimuratov nurbek matkarimovichning mahalliy xomashyolar va chiqindilar asosida yangi ionitlar sintezi

12 - tajriba. Mahalliy homashyo va chiqindilar asosida olingan ionitlarga statik sharoitda Cu²⁺, Cr(VI) hamda Mn(VII) ionlarining sorbsiya kinetikasini spektrofotometrik usulda o‘rganish
Buning uchun CuSO₄∙5H₂O, K₂Cr₂O₇ va KMnO₄ kristalligidratlaridan foydalanib Cu²⁺, Cr(VI) hamda Mn(VII) ionlarining 0,05 va 0,01 mol·l^-1 konsentratsiyali eritmalar tayyorlandi. Ushbu tayyorlangan sun’iy eritmalardan metall ionlarining sorbsiya davomiyligi 1, 2, 4, 6, 12, 18 va 24 soatlarda hamda sorbsiya izotermalari 293,313 va 333 haroratlarda o‘rganildi. Buning uchun mahalliy xomashyolar va chiqindilar asosida sintez qilingan ionitlardan quruq sorbent 0,2 g dan analitik tarozida o‘lchab olinib, hajmi 250 ml bo‘lgan konussimon kolbalarga solindi va 100 ml dan tuz eritmalari quyildi hamda ma’lum vaqtlarda aralashtirib turildi. Sorbsiyadan oldingi va keyingi eritmalardagi metall ionlarining konsentratsiya o‘zgarishi Spektrofotometr (Mikroplanshet rider Perkin Elmer) (AQSH) yordamida aniqlandi (Cu²⁺uchun 810 nm, Cr(VI) uchun 369-372 nm, Mn(VI)- 526 nm to‘lqin uzunlikda).
4.3. Tadqiq qilish usullari
IQ–spektroskopiya. O‘rganilayotgan polimer moddalar IQ spektrlarini o‘rganishda olmos ZnSe MIRacle 10 prizma bilan bittalik NPVO birikma bilan to‘ldirilgan IRTracer-100 spektrometridan foydalanildi. IQ spektrning skanerlash sohasi qattiq, suyuq, gelsimon va qayta ishlash qiyin bo‘lgan moddalarni taxlil qilishga mo‘ljallangan 4000-400 sm^-1 oralig‘ida o‘rganildi.
Element analiz. Olingan namunalar tarkibidagi elementlar miqdorini EuroEA Elemental Analyser yordamida aniqlandi.
Termogravimetrik va diferensial termik tahlili (DTG). Poliamfolitning termogravimetrik va differensial termik tahlili TG 209 F1 termogravimetrik analizatorida o‘rganildi.
Kimyoviy barqarorlik turli konsentratsiyali kuchli oksidlovchi kislotalarga xamda yuqori haroratda kuchli asosga nisbatan o‘rganildi.