Qutlimuratov nurbek matkarimovichning mahalliy xomashyolar va chiqindilar asosida yangi ionitlar sintezi

3-tajriba. PVX ni gazlarni tozalashda ishlatiladigan tarkibida dietanolamin saqlagan chiqindini modifikatsiyalash jarayoniga reaksiya davomiyligining bog’liqligi
Ektraksiya qilingan 5 g PVX dan olib 20 ml, 80% li (16-ml tarkibida dietanolamin saqlagan chiqindi hajm bo’yicha) 413K haroratda 30 daqiqadan 360 daqiqagacha har 30 daqiqa oshirib borilish tartibida o’rganildi. Olingan sorbentlar aktiv holatga o’tkazilib, ularning SAS qiymati orqali modifikatsiyalash vaqti eng maqbul sharoit topildi. Bunga ko’ra 300 daqiqa (5 soat) madifikatsiyalash uchun eng maqbul vaqt qilib belgilandi. SAS ni o’lchash uchun sorbent aktiv holatga o’tkazilgan bo’lishi shart. Modifikatsiyalash jarayoni tugagandan keyin olingan sorbent avval suvda yaxshilab suvda yuviladi. Suv tiniq holatga kelgandan keyin dastlab HCl bilan keyin esa NaOH bilan aktivatsiya qilinadi. Neytral holatga keltiriladi va SAS (Statik almashinuv sig’imi) o’rganiladi.
4-tajriba. PVX ni gazlarni tozalashda ishlatiladigan tarkibida monoetanolamin saqlagan chiqindining modifikatsiyalash jarayonini harorat va chiqindi hajmi bo‘yicha standart sharoitni o‘rganish
Granulalangan PVXni ekstraksiyalash uchun hajmi 500 ml tubi yumaloq kolbaga, 5 g PVXdan olindi. Ustiga 6 ml etil spirt, 24 ml etilatsetat quyib 100⁰C haroratda 4 soat vaqt davomida ekstraksiya qilindi. Tarkibida turli plastifikatorlardan ekstraksiya qilingan PVX granulasi erituvchilardan tozalanib alohida olindi. 500 ml idishga ekstraksiya qilingan PVX solinadi va uning ustiga 5ml, 10ml, 20 ml, 40 ml va 80 ml gazlarni tozalashda ishlatib bo’lingan tarkibida monoetanolamin saqlagan chiqindi mahsuloti solindi. Harorat 100^oC, 110^oC, 120^oC, 130^oC, 140^oC va 150^oC da olib borildi.
5-tajriba. Modifikatsiyalash jarayoniga konsentratsiyaning bog’liqligini o’rganish
Modifikatsiyalash jarayoniga haroratning ta’siri hamda chiqindi hajmi bo’yicha standart sharoiti o’rganish natijalaridan kelib chiqib, tarkibida monoetanolamin saqlagan chiqindining konsentratsiyasiga bog’liqligi o’rganish uchun ekstraksiya qilingan PVX ni chiqindi suyultirib reaksiyalar olib borildi. 5 g ekstraksiya qilingan PVX ga 20%(4 ml chiqindi -16 ml suv), 40%(8 ml chiqindi-12 ml suv), 60% (12 ml-chqindi-8 ml suv), 80% (16 ml-chiqindi-4 ml suv) va 100%(20 ml chiqindi) solinib 413K haroratda olib borildi. Olingan sorbentlar aktiv holatga keltirib SAS (Statik almashinuv sig‘imi) orqali baholanib borildi. Keying tajribalar o’rganilgan standart sharoitlar orqali olib borildi.