Qurilish materiallarining asosiy hossalari 1 Umumiy ma’lumotlar

Сопол буюмларни навлаш ва сақлаш. Сопол буюмлар хумдондан чиқариб олингач (пишириб бўлингач) навларга ажратилади. Буюмлар сифати пиширилиш даражаси, ташқи кўриниши, шакли ва ўлчамлари, шунингдек, турли хил нуқсонлари бор-йўқлигига қараб аниқланади. Буюмларнинг нави ташқи кўриниши, шакли ва ўлчамларининг давлат стандарти талабларига мос келиши бўйича белгиланади.
Буюмлар навларга ажратилганидан кейин омборга юборилади ва омборда истеъмолчига жўнатилгунга қадар сақланади. Ғишт ва сопол тошлар арча шаклида ёки махсус тагликларга териб қўйилади ва ярим очиқ ёки очиқ омборларда сақланади. Керакли монтаж қисмлари билан комплектланган санитария-техника буюмлари махсус яшикларга жойланиб, берк омборларда сақланади.

3.4. Сопол материаллар ва буюмларнинг хиллари

Деворбоп сопол материаллар ва буюмлар ичида ҳозирги кунда энг кўп ишлатиладигани сопол ғишт, ҳар хил самарали сопол материаллар, шунингдек, деворбоп ғишт панеллардир.
Тўлиқ сопол ғишт 250х120х65 мм (3.1-расм) ёки 250х120х88 мм ўлчамли, тўғри тўртбурчакли параллепипед шаклида бўлади. Қалинлиги 88 мм модулли ғиштларда технологик бўшлиқлар бўлиши шарт. Ичи ковак сопол ғиштлар ва тошлар 250х120х103, 250х120х138 ва 250х150х120 мм ўлчамли қилиб тайёрланади.
Ўлчамлардан четга чиқиш узунлиги бўйича ±5, эни бўйича 4, қалинлиги бўйича эса  3 мм дан ортиқ бўлмаслиги керак.
Ғишт етарли пишган бўлиши керак. Алвон рангли, чала пишган ғишт зичлиги ва совуққа чидамлилиги пастлиги, ўта пишган ғишт жуда зич, мустаҳкам ва иссиқ ўтказувчанлиги юқори бўлиши билан фарқланади.
Ғиштнинг қуруқ ҳолатдаги зичлиги 1600-1900 кг/м³, иссиқ ўтказувчанлиги эса 0,71–0,82 Вт/(м⁰С) атрофида ўзгаради. Ғиштни бу хоссалари уни тайёрлаш усулларига боғлиқ. Ним қуруқ усулда тайёрланган ғишт ғоят зич, бинобарин, кўп иссиқ ўтказувчан бўлади.
Сиқилишга ва эгилишга мустаҳкамлиги бўйича ғишт қўйидаги маркаларга бўлинади: 75,100,125,150,175,200 ва 300 (3.1-жадвал).
Ғиштларнинг мустаҳкамлиги
3.1-жадвал

Ғиштлар-нинг маркаси	Ғиштларнинг сиқилишга мустахкамлиги, МПа	Мустаҳкамлик чегараси, МПа
		пластик усул-да қолиплан-ган тўла ғишт-лар	ярим қуруқ усулда қолип-ланган тўла ва ичи ковак ғиштлар	қалин лашти-рилган ғиштлар
300 250 200 175 150 125 100 75	30 25 20 17,5 15 12,5 10 7,5	4,4 3,9 3,4 3,1 2,8 2,5 2,2 1,8	3,4 2,9 2,5 2,3 2,1 1,9 1,6 1,4	2,9 2,5 2,3 2,1 1,8 1,6 1,4 1,2

Ўзгармас массагача қуритилган ғиштнинг сув шимиб олиши камида 8% бўлиши керак. Сув шимиб олиши бундан кичик бўлса, ғишт иссиқни кўп ўтказади, бу мақсадга мувофиқ эмас. Сувга тўйинган ғиштда совуққа чидамлиги бўйича кўзга кўринадиган камчиликлар бўлмаслиги (қатламланиш, майдаланиш ва ҳ.), навбатма-навбат такрорланадиган 15 босқичли -15⁰С ва ундан паст ҳароратда музлатиш ва кейин 155⁰С да сувда эритишга бардош бера олиши керак.

Сопол ғишт ички ва ташқи девор, устун гумбаз ва биноларнинг бошқа қисмлари учун ишлатилади. Бундан ташқари ундан ғишт панеллари тайёрланади.
Деворбоп самарали сопол материаллар - ичи ковак ғишт ва тошлардан (3.2-расм) иборат бўлади. Улар чеккалари текис тўғри бурчакли параллепипед кўринишига эга. Ғишт ва тошлардаги коваклар юзага нисбатан перпендикуляр ёки параллел жойлашган бўлиши ва ковакнинг иккала томони ёки бир томони очиқ бўлиши мумкин.