Qalandarova baxtigul ozod qizi maktabgacha ta’lim tashkilotlarida bolalar nutqini o‘stirish va tafakkurini rivojlantirish usullari

Tadqiqotning metodologik asoslari. Bilish nazariyasi haqidagi falsafiy ta’limot,O‘zbekiston Respublikasi Prezidenti Sh.M.Mirziyoyev va Respublikamizning birinchi Prezidenti I.A.Karimov asarlarida hamda nutqlaridagi maktabgacha ta’lim tashkilotlari, ma’naviy barkamol shaxsni tarbiyalashning muhim vazifalari haqidagi dolzarb fikrlari, Kadrlar tayyorlash milliy dasturi, Ta’lim to’g’risidagi Qonun, Markaziy Osiyo mutafakkirlari ta’limoti.
Tadqiqotning ilmiy yangiligi: Maktabgacha ta’lim tashkilotlarida bolalar nutqidagi kamchiliklar va uning tafakkurga ta’siri.bolalar nutqiga oid yasama so‘zlar semantikasining lingvistik-psixologik xususiyatlari, bolalar nutqiga oid individual neologizmlarning nutq va tafakkurni o‘stirishdagi o‘rni masalalari ilk bor ilmiy asoslangan misollar bilan yoritildi. O‘yin va musiqa mashg‘ulotlarida bolalar nutqini o‘stirish va tafakkurini rivojlantirishning turli usullari mashg‘ulot ishlanmalari orqali ko‘rsatib berildi. O‘zbek milliy qo‘shiqlarini o‘rganishning, suratlar bilan ishlash jarayonida, tabiatga sayr paytida bola nutqini o‘stirish va tafakkurini rivojlantirishning zamonaviy usul va metodlari ilk bor so‘nggi yangilanishlar nuqtayi nazaridan o‘rganilishga harakat qilinganki, bu ishimizning yangiligini belgilaydi.
Tadqiqot natijalarining ilmiy va amaliy ahamiyati. Magistrlik ishimizdagi ilmiy umumlashma va xulosalardan maktabgacha ta’lim tashkilotlarida ta’lim - tarbiya jarayonini tashkil qilish, xususan, bolalarning nutqini va tafakkurini o‘stirish mashg‘ulotlarini olib borishda, oliygoh va pedagogika bilim yurtlarida “Bolalar nutqini o‘stirish” fanini o‘qitish, fan bo‘yicha referatlar, kurs ishlari va bitiruv malakaviy ishlarini yozish hamda maxsus kurslarni tashkl etishda foydalanish mumkin.
Bajarilgan ishning asosiy natijalari. Magistrlik dissertatsiyasi mavzusi “Maktabgacha ta’lim metodikasi” kafedrasining 2021-yil da o‘tgan yig‘ilishida muhokama qilingan va tasdiqlangan. Ishning mazmuni universitet professor-o‘qituvchilarining 2019-2020, 2020-2021- o‘quv yillarida o‘tkazilgan an’anaviy ilmiy anjumanlarida qilingan ma’ruzalarda o‘z aksini topgan. Mavzu bo‘yicha universitet to‘plamlari va xalqaro ilmiy – metodik jurnalda jami 2 ta maqola e’lon qilingan.