Психология юнон тилидан таржима қилинганда – таълимот, жон билим тўғрисида (“psyche” – жон, руҳ ва “logos” – таълимот, илм) деган маънони англатади

2. Субшахслар билан ишлаш.
Машқнинг мақсади: ўз субъектив дунёсини англаш, ўзининг кайфияти ва истакларини бошқаришга ўрганиш. Субшахс – бу бизнинг асл шахсимиз доирасидаги кўп сонли психологик тузилмалар бўлиб, улар ўз мақсад ва эҳтиёжларига эгалар. Уларни икки томондан кўриб чиқиш мумкин.
Масалан: гўдак, ота-она, мижғов, норози, ишбилармон, ёмон ёки булар бизларга бериладиган ва ўзида ўз маъносини акс этувчи исмлар, масалан: Бахтиёр, Баха, Бахтик, Ботя, Бахтиёр Урумбоевич ва бу исмга тегишли бўлган турли лақаблар.
Машқнинг иккинчи қисми. Психолог Сизда қайси субшахслар устиворлик қилишади, уларнинг қиммати нимада ва уларда қандай салбийлик мавжуд? Бошқа субшахсларнинг моҳияти нимада, сизнинг уларга муносабатингиз қандай? Сиз уларни бошқара оласизми ёки улар Сизга босим ўтказишадими? Одатда СИЗ ўз ҳаётингизда қандай ролни ўйнайсиз, қайси субшахс ҳаётингизда устиворлик қилади?
Мисол:
Спортчи: “Менда бир талай субшахслар яшайди, мен улардан 8 тасини санадим: Нодира, Нодирка, Нодира Шоилёсовна, Нодирахон, Ноди, Қизим, Қуёшчам, Дора” (бу исмлар бошқача бўлиши табиий).
Психолог: “Сизнинг ҳаётингизда энг аҳамиятли ёки кўпинча қўлланиладиганларини танланг. Уларни кўриб чиқинг. Балки ўзининг сифатлари ёки ҳаракатларига кўра қайсидир гуруҳлар бордир?”
Спортчи: “Уддаладим. Нодира – у масъулиятли, ҳаммага ёрдам беради, ҳамма нарсанинг уддасидан чиқади, бўйин товламайди, серғайрат, сабр-тоқатли. Нодирахон, Ноди, Қизим – юмшоқ, ширинсўз, меҳрибон, ақлли, севимли. Нодира Шоилёсовна – ҳеч кимни қўллаб-қувватламайди, ҳеч кимга керак эмас. Дора – ақлсиз, кулгили, мамнун, иродасиз. Тўғри, ҳозир у йўқ”.
Психолог: “Кўпроқ сен қанақасан? Қанақа бўлишни истардинг?”
Спортчи: “Ҳозир Нодираман. Нодирахон, Ноди, Қизим бўлишни истардим”.
Психолог: “Айтиб бер, тасвирла-чи, Нодира, Нодирахон, Ноди, Қизим қандай кўринишга эга, нимага ўхшайди?”.
Спортчи: “Нодира – иссиқ жойда эриб кетган пластилинли модель ва ҳозир у шаклсиз, тушунарсиз бир нарса. Ноди – бу ҳамма-ҳамма жойда акс этувчи қуёш нури ва ҳамма хурсанд ҳамда ҳамма кулгили. Қизим – бу ақлли, тўғрисўз, меҳрибон, ширинсўз ва севимли”.