Психология юнон тилидан таржима қилинганда – таълимот, жон билим тўғрисида (“psyche” – жон, руҳ ва “logos” – таълимот, илм) деган маънони англатади

Психолог: “Мен сенда ҳаммаси яхши бўлаётганидан хурсандман. Ўтган сафар сен душанбадан жумагача соат иккидан тўртгача бўлган вақтда сенда кўнгил айниши бўлишини ва уни тўхтатишнинг иложи бўлмаётганлигини, дорилар буюришган бўлса ҳам улар ёрдам бермаётганини айтгандинг. Сенингча, қайси субшахс ўзини бундай тутаяпти? Сен энди бу вазиятга таъсир кўрсата оласанми?”
Спортчи: “О, мен биламан. Бу жуда қизиқ. Мен тушундим. Бу Нодира Шоилёсовна. Мен биламан, бир йил олдин ҳаммаси бошланган. Ўша пайтда мен янги ишга кираётган эдим ва ҳаддан зиёд ҳаяжонланганман ва ишни бажаришга улгурмайман деб қўрққаним учун бир неча ой тушлик қилмаганман. Кейин овқатлана бошлаганимдан сўнг кўнглим айниши бошланди, эсимда, мен оқатланиб, тезроқ ишга югурардим. Бу жуда даҳшат эди. Умуман, энди биламан, Нодира Шоилёсовна билан муаммони ҳал қилиш керак...”
Резюме. Спортчида субшахслар билан ишлашнинг уч сеансидан сўнг кўнгил айниши йўқолди, у яхши овқатлана бошлади, вазни ошди. Унинг кайфияти кўтарилиб, эмоциялар (ижобий ва салбий) пайдо бўлди, икки йилдан бери кўришмаган онаси билан учрашишга хоҳиш сезди. Натижада учрашув етарлича хотиржам ўтиб, ўсмир ўзини дадил ва қониқан ҳис қилди.
3. Архетип тимсоллар ва шахсусти кечинмалари тимсоллари билан ишлаш
Архетип тимсоллардан ишда “майсазор” манба (заҳира), хавфсиз ҳудуд сифатида; “жилға” қувват, умумпсихик қувват сифатида; ва “уй” – мен, менинг ички дунёим сифатида қўлланилди. Шахсусти кечинмалари тимсолларидан тўрттаси қўлланилиб, Асаджиоли 14 категорияни ажратади.
Умидсизлик, ўз ўзига ишончнинг сусайиши каби вазиятларида тўртинчи категорияни – кенгайиш, ёйилиш, тимсоллари: ҳаво, ёруғлик, вақт, денгиз; саккизинчи – ривожланиш, бу дарахт, гул, юрак, майса; ўн биринчи –йўл, саёҳат, бу йўл, сайёҳ, дарё, кема; ўн учинчи – тикланиш, янгиланиш, бу гўдак, қурилаётган уй, ўлим тимсоли, ўтиш. Барча техника психосинтездаги кўпчилик техника каби медитативдир.
Кўрсатма: “илтимос, ўтиринг, кўзингизни юминг, ўзингизга тасаввур қилинг, майсазор қандай бўлиши мумкин (жилға ёки уй, ёки бошқа тимсол), Сизга нима кўринаяпти? Сўзлаб беринг, бу майсазор қандай?”
Мисол: