Психология юнон тилидан таржима қилинганда – таълимот, жон билим тўғрисида (“psyche” – жон, руҳ ва “logos” – таълимот, илм) деган маънони англатади

Психология методлари
Кузатиш методи. Кишининг ҳар кунги психик фаолиятини одатдаги ҳаёт ва шароитларида таҳлил қилишдан иборатдир.
Инсон психикасидаги ўзгаришларни кузатиш учун қуйидагилар амалга оширилади:
а) кузатишнинг мақсади, вазифаси белгиланади;
б) кузатиладиган объект танланади;
в) синалувчининг ёши, жинси ҳақида маълумотлар тўпланади;
г) тадқиқот ўтказиш вақти режалаштирилади;
д) кузатиш қанча давом этиши белгиланилади;
е) кузатиш инсоннинг қайси фаолиятида (ўйин, ўқиш, меҳнат/спорт), амалга оширилиши тавсия этилади;
ё) кузатишнинг шакли (якка, гуруҳ, жамоа) танланади;
ж) кузатилганларни қайд қилиб бориш воситалари (кундалик суҳбат дафтари, кузатиш варақаси, магнитофон, видеомагнитофон ва бошқалар) тахт қилинади.
Спортчини кузатиш орқали ундаги эмоционал ўзгаришларни аниқлашдан ташқари, спортчининг мусобақадаги хавфли вазиятларда ақл-заковатининг ички механизмлари вужудга келиши ва кечиши юзасидан маълумотлар олинди. Натижада спортчининг мусобақага жисмоний ва психологик тайёргарлик ҳолати қай тарзда, қай тезликда, қай шаклда рўй бериши кузатилади. Тадиқотларнинг кўрсатишича, кузатиш ёрдамида спорт билан шуғулланаётган ўқувчининг чаққонлиги, чидамлилиги, ташаббускорлиги, спорт мусобақаси жараёнида фикрнинг бир объекти йўналтирилганлиги, ташқи таъсирга берилмаслиги, юз аломатларидаги ташвиш ва изтироб, ўз-ўзича ички нутқнинг пайдо бўлиши, ўз рақибига томошабин ва ҳакамларга синчковлик билан қараши, ғазаб ва хурсандчилик каби руҳий кечинмаларни кузатиш орқали илмий-услубий маълумотларни тўплаш мумкин.
Эксперимент методи. Сунъий ҳосил қилинган психологик шароитда намоён булувчи психик фаолиятни таҳлил қилишдан иборатдир.
Психологик-педагогик эксперимент. Ўқувчи-спортчиларнинг психологик хусусиятларини табиий шароитда махсус усуллар ёрдамида ўрганишдир.
Анкета методи. Кишилар психикасини оммавий сўроқ асосида ўрганиш демакдир. Бу метод ёрдамида турли ёшдаги одамларнинг психологик хусусиятлари, нарса ва ҳодисаларнинг муносабатлари ўрганилади.