Ўпкадан ташқари аъзолар сили. Режа

Коллигватив тери сили (скрофулодерма) – энг кўп учрайдиган тери силининг шакли. Болаларда, ўсмирларда ва ёши катталарда учрайди. Тери ости клечаткасида ҳар хил катталикдаги чуқур жойлашган, хамирсимон қонсистенцияли, кўкиш рангдаги бироз оғриқли тугунлар пайдо бўлади.
Бироз вақт ўтгач тугун юмшайди ва уларни ёрганимизда майда оқма йўллари ҳосил бўлади. Бир нечта йўллар қўшилиб туби мавжуд яралар ҳосил қилади ва некротик масса билан ўралган бўлади. Бу битганида ўзидан кейин қўпол чандиқ қолдиради.
Скрофулодерма аниқланган касалларда кам ҳолларда ўпкасида ҳам актив сил жараёни борлиги кўзатилади.
Скрофулодерма зарарланган лимфа тугунларнинг, суякларнинг, бўғимларнинг терига тегиб турган соҳалари орқали инфекция юқадиган тери сили шакли ҳисобланади. Кўпинча бўйин ён юзаси, қулоқ олди соҳаси, жағ ости, усти териси зарарланади. Касаллик қаттиқ тери ости тугуни ҳосил бўлиши билан бошланади. Бу тугун ривожланиб, юмшоқ хамирсимон қонсистенцияли некроз ҳосил бўлади, улардан творогга ўхшаш некротик масса ажралади.
Индуратив тери сили. Кўпинча 16-40 ёш аёлларда локализацияси симметрик болдирда. Дерма чуқур қаватида ва тери ости клечаткасиди зич тугунлар ҳосил бўлиб, устидаги тери секин- аста пушти-кўкиш рангга киради. Тугунлар ёрилиб, яралар ҳосил қилади, секин битади, ўзидан кейин силлиқ чўзилган чандиқ из қолдиради. Бу касаллик қайталанишга мойил бўлиб, кўз ва қиш мавсумларида қайталанади.
Папулонекротик тери сили кўпинча қизларда ва ёш аёлларда учрайди. Елка терисида, болдир, сон кам ҳолларда тана ва юз терисида ҳосил бўладиган зич, ярим шарсимон, катталиги нўхатдек пушти-кўкиш рангдаги тугунлар жойлашади. Тугун марказида некроз ўчоғи бўлиб, секин қурийди ва кулранг қипиқланиш ҳосил қилади. Битгандан кейин босилган “штампланган” чандиқ қолдиради. Касаллик кўз-қиш ойларида рецидивланишга мойил.
Лихеноид тери сили. Ўпка сили ва лимфа тугунлари зарарланган болалар ва ўсмирлан касалланади. Одатда кўкрак қафаси, орқа, қорин ва тананинг ён қисмлари терисида майда гуруҳлашган, усти енгил кўчадаган қипиқлардан ташкил топган дўмбоқчалар ҳосил бўлади. Битгандан кейин пигментация, баъзан нуқтали чандиқ қолдиради.