Педагогик атамалар луғати

Суҳбат методи – ўқувчи, талаба ва ўқитувчи орасида таълим-тарбия 
жараёнида амалга ошириладиган ўзаро сўзлашув, мулоқот усули. 
Схоластика – ҳаёт ва амалиётдан ажралиб қолган сохта билимлар;
“Сўздан гапга” ўйини – сўзлардан гап тузишига асосланган дидактик ўйин 
тури. 
Сўраш – ўқувчилар билимини назорат қилишнинг савол-жавоб тарзида 
амалга ошириладиган тури. 
Сўров – 1) педагогик диагностика методи бўлиб, респондентлар билимини 
ёзма ёки оғзаки саволлар орқали аниқлашга қаратилган жараён; 2) респондент 
(сўралувчилар)нинг сўзлари асосида билдирилган объектив ва субъектив далиллар 
ҳақида ахборот олиш методи. 
Суқратона савол-жавоб методи – ўқувчиларни мустақил фикрлашга йўллаш 
мақсадида амалга ошириладиган диалог, махсус савол-жавоб методи.
Т 
 
Табақалашган ёндашув – 1) ўқитувчи томонидан ўзаро яқин индивидуал 
хусусиятларига кўра ажратилган, ноформал ёки тузилмавий тарзда ташкил топган 
ўқувчилар гуруҳига мақсадга қаратилган педагогик таъсир кўрсатиш; 2) муайян 
тоифадаги ўқувчиларга тааллуқли тарбия методларини ишлаб чиқиш имконини 
берадиган назария.
Табақалаштирилган таълим – умумий ўрта таълим мактаблари 
ўқувчиларининг қобилиятларини ҳисобга олган ҳолда алоҳида ўқув режаси ва 
дастурлар асосида олиб бориладиган таълим тури. 
Табақалаштирилган ўқитиш – қ. Табақалаштирилган таълим. 
Табиий география – Ернинг географик қобиғи табиий таркиби ва унинг 
структуравий қисмлари; барча даражадаги табиий ҳудудий мажмуаларини 
(шунингдек, сув ҳавзаларини ҳам) ўрганувчи фан; табиатшунослик фанларининг 
муҳим тармоқларидан бири. 
Табиийликни ҳис этиш – шахснинг генетик ва ижтимоий жиҳатларига 
асосланган ҳолда ўқувчиларнинг ўзига хослигини ҳисобга олиш.  
Тавтология – муайян нарса ёки ҳодисани унинг муҳим белгиларни кўрсатиш 
орқали эмас, балки жузъий жиҳатдан нотўғри таърифлаш. 
Тадриж тамойили – 1) муайян изчилликда осондан қийинга қараб 
ривожланишни ифодаловчи дидактик тамойил; 2) 20-аср бошларида саводга 
ўргатиш ва алифбе дарсликлари тузишда таянилган тамойил.