«iqtisod-moliya»

Хулосалар
 
1. Давлат молиясининг иқтисодий моҳияти шундан иборатки, 
бунда ялпи ички маҳсулотнинг қиймати ва миллий бойликнинг бир 
қисмини тақсимлаш ҳамда қайта тақсимлаш жараёнида давлат ва 
давлат корхоналари ихтиёрида марказлаштирилган ва марказлаш-
тирилмаган молиявий ресурсларнинг шаклланади. Шунингдек, бу 
маблағлардан кенгайтирилган ишлаб чиқариш билан бир қаторда 
жамиятни ўсиб бораётган ижтимоий-маданий тадбирларида фойда-
ланишдаги пул муносабатлари йиғиндиси тушунилади.
2. Давлат молия сиёсати ёрдамида ишлаб чиқаришни ривожлан-
тириш, фан-техника тараққиёти, ижтимоий эҳтиёжни қондириш 
масалаларини, давлат ва жамият хавфсизлигини таъминлаш соҳа-
ларини самарали тартибга солади ҳамда жамиятнинг кам таъмин-
ланган ва ёрдамга муҳтож бўлган қатламларининг ижтимоий жиҳа-
тидан ҳимояланишларини таъминлайди, иқтисодиётнинг устувор 
йўналишларини тезроқ ривожлантириш чораларини кўради.
3. Давлат молияси молия тизимининг асосий қисмини ташкил 
этади, унинг асосий бўғини эса давлат бюджетидир.

---

53 
4. Давлат молияси миллий даромад ва миллий бойлик қиймати-
нинг бир қисмини давлатга қарашли корхона, ташкилотларнинг пул 
фондига айлантириб, иқтисодий ўсишни таъминлаш, жамият аъзо-
лари умумий эҳтиёжини қондириш, мамлакатни идора қилиш учун 
тақсимлаш ва ишлатиш борасидаги муносабатлар ҳисобланади. 
5. Корхоналар молиясининг ҳолати давлат ва ҳудудий пул фонд-
ларининг молиявий ресурслар билан таъминланишига ўз таъсирини 
кўрсатади. Бу боғлиқлик бевосита бўлиб, корхонанинг молиявий 
ҳолати қанчалик барқарор ва мустаҳкам бўлса, умумдавлат ва ҳуду-
дий жамғармаларнинг таъминланганлик даражаси ортади, ижтимоий-
маданий эҳтиёжлар тўлароқ қондирилади. 
6. Давлат кредити воситасида юридик ва жисмоний шахслар-
нинг маблағларини жалб этиш турли шаклларда, авваламбор, дав-
лат заёмлари, пул мажбуриятлари ва бошқа қимматли қоғозларни чи-
қариш ва уларни жойлаштириш йўли билан амалга оширилади.