Microsoft Word Bolalar nevrologiyasi end doc

Davosi. 
Miasteniya davosi nerv-mushak o‘tkazuvchanligini yaxshilashga va 
autoimmun jarayonga ta’sir etish yo‘li bilan atsetilxolin retseptorlarini 
destruktsiyasini to‘xtatishga qaratilgan. Patogenetik davo sifatida antixolinesteraza 
vositalar – prozerin va kalimin qo‘llaniladi. Prozerin xolinesteraza fermentini 
inaktivatsiyalaydi va sinaptik yoriqda atsetilxolin miqdorini oshiradi, bu esa nerv-
mushak o‘tkazuvchanligini yaxshilaydi (0,15 ta dan tavsiya etiladi va 2-3 soat 
ta’sir qiladi). Kalimin (60 mg kuniga 3-4 mahal) davomli ta’sir etib (4-5 soat), 
miastaniyani bulbar shaklida yaxshi natija beradi.
Prednizolon ertalab 10 mg dan (kun ora) tavsiya etiladi. Keyin dozani har 
hafta 10 mg ga oshiriladi va kuniga 100 mg gacha yetkaziladi. Bu davodan 10 

---

 371
haftadan keyin dozani asta-sekin 20-40 mg gacha (kun ora) kamaytiriladi. Bir oy 
davomida yaxshilanish 10% bemorlarda kuzatiladi.
Miasteniya davosida ayrisimon bez sohasiga rentgenoterapiya, plazmaferez 
qo‘llaniladi, agar timoma aniqlansa, timektomiya tavsiya etiladi. Timektomiya 
o‘tkazilganda turg‘un remissiya yoki yaxshilanish 70% bemorlarda kuzatiladi.
FAKOMATOZLAR 
Fhakos – dog‘, yasmiq. Fakomatozlar – bu nasliy kasallik bo‘lib, teri, ko‘z, 
nerv tizimi va ichki organlarning shikastlanishi bilan kechuvchi 
ektodermomezodermal displaziyalarga kiradi. Bu kasalliklarning asosiy belgisi 
bo‘lib, teri yoki ko‘zning to‘r pardasida pigment dog‘larning bo‘lishidir.
Embrionda neyroektodermal hosilalar zararlanganda Burnevillya-
Pringlaning tuberoz sklerozi va Reklingauzenning neyrofibromatozi kelib chiqadi, 
mezodermal qavatlar zararlanganda – angiomatozlar – Sterdja-Veber-Krabbe va 
Gippel-Landau sindromi rivojlanadi. Bu kasalliklar klassik fakomatozlarga 
tegishli.
Klassik fakomatozlar ko‘p sonli tomir geneziga ega bo‘lgan o‘smalarni hosil 
bo‘lishi bilan xarakterlanadi. Hamma fakomatozlar progressiv kechadi, shu belgisi 
bilan rivojlanish nuqsonlaridan farq qiladi.
Fakomatozlarning klinikasi xilma-xil. Bunda aqliy rivojlanishdan orqada 
qolish, talvasa sindromi, eshituv va ko‘ruv o‘tkirligini pasayishi, nevrologik va 
endokrin buzilishlar aniqlanadi.