Microsoft Word Bolalar nevrologiyasi end doc

Miasteniyalar tasnifi.
1.
Generallashgan shakli. 
2.
Lokal shakli
a) ko‘z shakli 
b) bulbar shakli
Ko‘pincha miasteniyaning generallashgan shakli uchraydi.
Ko‘pchilik hollarda birinchi bo‘lib, ko‘zni harakatini buzilishi (diplopiya, 
ptoz) paydo bo‘ladi, klinik belgilarga assimetriklik va dinamiklik xos bo‘lib, 
kechqurunga kelib zo‘riqqanda ahvolini yomonlashishi kuzatiladi. Boshlang‘ich 
davrida faqat alohida ko‘zni harakatlantiruvchi mushaklar zararlanadi, kechroq 
tashqi oftalmoplegiya paydo bo‘lishi mumkin. Keyinchalik jarayonga chaynov 
mushaklari qo‘shiladi. Bulbar guruh mushaklarining zararlanishi yumshoq tanglay 
va hiqildoq usti funksiyasini buzilishiga olib keladi. Bunda bemorlar yutishni 

---

 370
qiyinlashishiga, suyuqlikni burniga tushishiga, ovozni manqalanishiga, quyuq 
ovqatni qiyin chaynashga shikoyat qiladi. Yutishni buzilishi sababli aspiratsion 
zotiljam rivojlanadi.
Kuchsizlikni oyoq-qo‘l mushaklariga tarqalganda ko‘proq qo‘llarning 
proksimal qismlari jabrlanadi. Patologik jarayonga bo‘yin mushaklarini qo‘shilishi, 
boshini vertikal holatda ushlashni qiyinlashtiradi (boshini osilib turishi). 
Generallashgan shaklida nafas-mushaklari zararlanadi. Pay reflekslari o‘zgarmaydi 
yoki tezda so‘nadi. Ba’zan mushak atrofiyasi kuzatiladi, lekin ular yaqqol 
bo‘lmaydi.
Miasteniyada bemorlarni umumiy ahvolini endogen va ekzogen sabablar 
ta’sirida keskin yomonlashishi kuzatiladi. Bu hayot uchun havfli holat bo‘lib, 
miastenik kriz deb ataladi.
Tashhisi. 
Miasteniyaga shubha bo‘lgan bemorlarni tekshirilayotganda 
quyidagilarga e’tibor berish kerak:
1.
Kuchsizlik va charchashga harakterli bo‘lgan shikoyatlarni aniqlash.
2.
Jismoniy zo‘riqish ta’sirida kuchsizlikni kuchayishi. 
3.
Kun davomida belgilarni yaqolligini o‘zgarib turishi.
4.
Provokatsion sinamalar (30 sekund davomida nigohini fiksatsiya qilishi 
diplopiya va ptozni kuchayishiga olib keladi, nutqiy zo‘riqish bulbar 
guruh mushaklarini kuchsizligini aniqlashga yordam beradi – dizartriya 
paydo bo‘ladi. Og‘zini ochib va yopib ko‘rilganda chaynov mushaklar 
kuchsizligi aniqlaniladi, boshini fiksatsiyalangan holatida – bo‘yinni 
bukuvchi mushaklar kuchsizligi aniqlaniladi).
5.
Uolker sinamasi – kaftni musht qilish va yozish ptoz paydo bo‘lishiga 
olib keladi.
6.
Prozerinli sinama – 1,5 – 3 ml 0,05% prozerin eritmasi (bemorni vaznini 
hisobga olgan holda) t/o yuboriladi. Nojo‘ya ta’sirini yo‘qotish uchun 
atropin (0,5 ml) qo‘llaniladi. Tipik hollarda hamma belgilar 20-40 min 
ichida yo‘qoladi. Prozerin sinamasini salbiy natijasi miasteniya 
diagnozini inkor etmaydi, chunki antixolinesteraz vositalarga kam sezgir 
bo‘lgan kasallik shakllari uchraydi.
7.
EMG ma’lumotlari – elektrostimulyatsiyada 1-ta’sir potensiali normal 
bo‘lib, keyingilari progressiv pasayadi.