Microsoft Word Bolalar nevrologiyasi end doc

Paroksizmal mioplegiyani davolash.
Gipokaliemik shaklida huruj vaqtida kaliy yodid (10-15 g) vena ichiga 
tomchilab yuboriladi, huruj bo‘lmaganda bemorlar kaliy xlorid kuniga 5 g dan va 
kaliyga boy ovqatlar iste’mol qilishi kerak.
Giperkaliemik shaklida vena ichiga 40% glyukoza eritmasi yoki kalsiy 
glyukonat (20 mg 10% eritmasi) yuboriladi.

---

 369
Normokaliemik shaklida qo‘shimcha ravishda natriy xlorid 8-10 g 
yuboriladi.
MIASTENIYA 
Etiologiyasi va patogenezi.
Miasteniya nerv-mushak kasalliklari qatoriga kirib, patologik mushak 
kuchsizligi va charchash bilan harakterlanadi, lekin kasallikni nasliy harakterga 
ega ekanligi tasdiqlanmagan. Miasteniya etiologiyasi oxirigacha aniqlanmagan, 
lekin bu kasallikni ayrisimon bez patologiyasi bilan bog‘liqligi mavjud.
Patogenezi. Miasteniyani asosiy patogenetik mexanizmi bo‘lib, nerv-mushak 
o‘tkazuvchanligini buzilishi hisoblanadi. Bu xolinergik retseptorlar sonining 
kamayishi, atsetilxolinga nisbatan sezuvchanlikni etishmovchiligi, fermentlar 
aktivligi nuqsoni bilan bog‘liq. Bunda autoimmun buzilishlar asosiy o‘rin 
egallaydi. Ko‘pchilik miasteniya bilan kasallangan bemorlarda atsetilxolin 
retseptorlari oqsiliga nisbatan tsirkulyatsiya qiluvchi antitelolar aniqlaniladi. Ularni 
hosil bo‘lishida timus asosiy rol o‘ynaydi, unda shu retseptorlarga nisbatan 
antitelolar ishlab chiqaradigan limfotsitlar aniqlanadi.
Miasteniyali bemorlarni tekshirilganda 60% hollarda ayirsimon bez 
patologiyasi aniqlanadi (giperplaziya yoki o‘sma). Ko‘pincha timomalar katta 
yoshli erkaklarda aniqlaniladi.
Miasteniyaning klinikasi. 
Kasallikning asosiy ko‘rinishi bo‘lib, patologik 
mushak kuchsizligi hisoblanadi. Uning o‘ziga xos xususiyati – takroriy harakatlar 
qilinganda mushak kuchsizligining oshishidir. Bunda mushaklar kuchi tezda 
pasayadi, ba’zan falaj darajasiga etadi. Uyqu va dam olishdan keyin mushaklar 
kuchi nisbatan davomli saqlanadi.
Kasallik 20-30 yoshda paydo bo‘ladi, lekin bolalik yoki qarilik paytida 
boshlanishi ham mumkin. Kasallikka olib keluvchi sabablar bo‘lib infeksiya, 
intoksikatsiya va endokrin siljishlar hisoblanadi. Ayollar erkaklarga nisbatan 
ko‘proq kasallanadilar, lekin erkaklar o‘rtasida katta yoshlarda ko‘proq uchraydi. 
Miasteniya ko‘pchilik holatlarda o‘tkir osti yoki surunkali, kam hollarda o‘tkir 
kechishi mumkin. Klinik ko‘rinishi va kechishiga qarab progressirlanuvchi, 
regressirlanuvchi va statsionar turlarga bo‘linadi.