Microsoft Word Bolalar nevrologiyasi end doc

Progressivlanuvchi mushak distrofiyalarini davolash.
PMD ni davosida terapevtik imkoniyatlar juda chegaralangan. Etiologik va 
patogenetik davosi yo‘q. Simptomatik davosi kontrakturani oldini olishga, mavjud 
bo‘lgan mushak kuchini saqlab qolish va atrofiya rivojlanishini oldini olishga 
qaratilgan. Davoning asosiy maqsadi bemorni ko‘proq mustaqil harakat qilishiga 
qaratilgan, chunki bemor ko‘p yotsa, kontraktura va nafas buzilishlari tez 
rivojlanadi.
PMD ni davolash usuli quyidagilarni o‘z ichiga oladi:
1.
LFK aktiv va passiv harakatlardan iborat. Gimnastika bilan kuniga bir 
necha marta shug‘ullanish zarur. Shu bilan birga bemorni ortiqcha 
jismoniy zo‘riqishlardan saqlash kerak.
2.
Konservativ (maxsus shinalar) va operativ harakterdagi (axillotamiya, 
boldir mushagini kesib tashlash) ortopedik muolojalar mustaqil harakatni 
saqlashga qaratilgan.
3.
Medikamentoz davo metobolik ta’sir etuvchi vositalarni o‘z ichiga olib, 
oqsil va energetik nuqsonni yo‘qotishga qaratilgan. Shu maqsadda ATF, 
fosfaden, vit E (100 mg kuniga 3 mahal) qo‘llaniladi. Kalsiy 
antagonistlari qo‘llaniladi: nifedipin (10-20 mg kuniga 3 mahal), chunki 
Dyushen kasalligida hujayra membranasi nuqsoni borligi aniqlangan, 
bo‘lib bu esa hujayra ichida kalsiy miqdorini oshishiga olib keladi. 
Prednizolon ham qo‘llash mumkin. Bu esa mushak kuchini oshishiga olib 
keladi (0,5 mg/kg 3 oy davomida, 3 oy tanaffus). V guruh vitaminlar, 
metioning, glyukoza va insulinni Inergorodskiy usuli bilan yuborish.
Miotoniyani davolash.
Ko‘pchilik hollarda davo kam natija beradi. Fenitoin (kuniga 50 mg ichish), 
prokoinamid (50 mg/kg kuniga 3-4 mahal), xinin (5-10 mg/kg kuniga), difenin 
(100-200 mg kuniga 2 mahal), novokainamid (250-500 mg kuniga 3-4 mahal) 
kabilar qo‘llaniladi.
Og‘ir hollarda glyukokortikoidlar bilan kam muddatli kurs tavsiya etiladi. 
Kalsiy antagonistlari ham qo‘llaniladi. Nifedipin (10-20 mg), dizopiramid (100-
200 mg) kuniga 3 mahal. Miotonik effektni kaliy tutuvchi diuretiklar (veroshpiron, 
triampur), 
β
-adrenoblokatorlar kuchaytiradi.