1-БЎлим. Бахтли ҳаёт асослари бахтнинг баҳоси қанча?

ОЗ ЕЙИШ ФОЙДАЛАРИ, КЎП ЕЙИШ ЗАРАРЛАРИ 
– Оз ейиш одамийлик иши. Кўп ейиш унинг асл табиатига ѐт. 
– кам еганда, юрак тиниқ ишлайди. Кўп ейиш эса уни қисиб қўяди. Шунингдек, мия 
фаолиятига ҳам салбий таъсир кўрсатади. 
– оч қоринга қилинган ибодатнинг мазаси хуш ѐқади. 
– кам еган одам хотиржам юради, илм олишига, ибодатига халал етмайди. 
– тўқ одамнинг мияси камроқ, ошқозони кўпроқ ишлайди, ўйлаганда ҳам қорни билан ўйлайди. 
– тўқ очларни унутади. 
– кам ейиш билан тана соғлом бўлади. 
– кам еганнинг сарфи кам. 
– кўп ейиш кишини тошбағир қилиб қўяди, қалб нурини сўндиради. Инсон вужудидаги, қалб 
остидаги ошқозон қайнаб турган қозонга ўхшайди. Унинг буғи қалбга кўтарилади. Кўп ейиш шу буғни 
кўпайтиради, қалб қорайишига, кирланишига сабаб бўлади. 
– ортиқча ейиш тана аъзолари ортиқча ишлашига, фаолияти бузилишига олиб боради. 
– кўп ейдиган кишининг билими, тушунчаси оз бўлади. 

---

138 
– кўп ейдиган одамнинг ибодати озаяди. Чунки бадани оғирлашади, уйқу босади, сезги 
аъзолари бўшашиб, ибодат қила олмай ухлаб қолади. 
– кўп ейишга одатланишда ҳаромга кириб қолиш хавфи бор. 
– кўп еган кишиларда ўлим (яъни, жон чиқиш ҳолати) қийин кечади
110
. 
НАФСИМ МЕНИНГ БАЛОДИР 
Кўпчилигимиз ширин овқатлар олдида истакларимизни жиловлай олмаймиз. Ваҳоланки, 
Пайғамбаримиз соллаллоҳу алайҳи ва салламдан ривоят қилинган ҳадисга кўра, қориннинг учдан бири 
овқатга, яна бир қисми ичимликка, қолган бир қисми нафас олишга қолдирилиши лозим. Шунингдек, 
суннатга мувофиқ тўймасдан олдин таомдан қўл олинади. Бу ҳикматлар сирини тиббиѐт бугунга келиб 
аниқлади. Олимлар таъкидлашича, қорин тўйгани ҳақидаги ахборот бош мияга ўн дақиқадан кейин 
етиб борар, бунгача одам тўйганини сезмас экан. 
Шунингдек, ѐшга қараб овқатнинг зарурини танлаш лозим. Мисол учун, ўттиз ѐшлиларга 
жигар, ѐнғоқ энг фойдали таом ҳисобланса, қирқ ѐшлиларга сабзи, буйраклардаги селен моддаси учун 
зарур бўлган пишлоқ маъқул келади. Эллик ѐшдан кейин суякни мўртлашувдан асраш учун калций, 
юракни бақувват қилувчи магний кўпроқ учрайдиган таомлар истеъмол қилиш керак. Олтмишга 
яқинлашганда юракни, қон томирларини кенгайтириш учун кўпроқ балиқ ейиш лозим. Кексаликдаги, 
баҳор фаслидаги беҳолликда қовурилган парранда гўшти, бўтқа, новвот, ѐнғоқ, майиз, кўкат, 
сабзавотларни дастурхондан узмаслик тавсия этилади. Семиришга мойил кишилар оқ нон, хамирли 
таомлар, кучли, қовурилган овқатлар, ширинлик, пишириқлардан тийилишлари, кўпроқ мева-
сабзавотлар, сут-қатиқ, сузма (творг), кўкатлар истеъмол қилишлари тавсия этилади. 
Тана вазни ортиб кетмаслиги учун бир нарсага алоҳида эътибор бериш лозим: қанча овқат 
есангиз, шунча кўп ҳаракат қилишга, куч сарфлашга интилинг
111
.