1-БЎлим. Бахтли ҳаёт асослари бахтнинг баҳоси қанча?

ТАОМНИ ЯШАШ УЧУН ЕНГ! 
Инсон яшаш учун овқат ейди, ейиш учун яшамайди. Бир донишманддан сўрашибди: 
– Дард келиши нимадан? 
– Баднафсликдан, – жавоб берибди донишманд. 
– Бунинг давоси нима? 
– Нафсни тийиш. 
Ҳар бир замонда яшаган мутафаккирлар, шифокорлар, уламолар кўп таом ейиш зарарлари 
ҳақида огоҳлантиришган, баднафслик инсон руҳиятига, саломатлигига зарар етказишини бир овоздан 
таъкидлашган. Афсуски, бизнинг даврга келиб кўпчилик яхши ейишга ҳаракат қилмоқда, бу йўлда 
тиним билмай ишлаб кўпроқ пул топишга, фаровон ҳаѐт кечиришга интилмоқда. Оқибатда ҳузур-
ҳаловатини ҳам, соғлиғини ҳам бой бермоқда. Ишонмасангиз, ѐн атрофингизга бир қаранг: лаззатли 
таомлар пиширадиган ошхоналар, ресторанлар, минг хил дори сотадиган дорихоналар эртаю кеч 
тиним билмай ишламоқда. Уларнинг мижозлари ҳам етарли. Нега? Чунки одам кўп егандан кейин 
касал бўлади. Ўз-ўзидан шифокор олдига боради. Шифокор эса унга дори ѐзиб беради. Ана шундай 
кейин тўппа-тўғри дорихонага қараб йўл олинади. 
Ҳозирги вақтда овқатланиш тартибига кўпам аҳамият берилмаяпти. Бир ўтиришда икки-уч хил 
таом истеъмол қилинади. Ёғли овқатлар, салатлар, мева шарбатлари, яхна ичимликлар (“Кока кола”, 
“Фанта”). Айниқса, тўйларда, гапларда ошқозонга жуда жавр қилинади. Аслида, ейилган овқат тўлиқ 
ҳазм бўлмагунча таом емаслик лозимлиги бот-бот таъкидланади. Одам овқат егандан кейин тахминан 
4-5 соат ичида егани ҳазм бўлади. Шундан кейин унда очлик ҳиси пайдо бўлади. Ана ўша вақтда таом 
ейилса, иштаҳа жойида бўлади, ҳазм бўлиш осонлашади. Кетма-кет, олди-орқасига қарамай 
ейилаверса, ошқозонга тоғдай вазифа юкланади. Бу билан соғлиқ ѐмонлашади, кишининг руҳий, 
жисмоний ҳолати издан чиқади. 
110
Манба: “Мусулмонлар тақвими”нинг 2001-йилги 3-сони. 
111
Манба: “Саломатлик тақвими”нинг 2013-йилги 4-сони, 9-10-бетлари. 

---

139 
Табиблар тавсиясига кўра, одам таом еганидан кейин бир оз юриши, овқат кучини сарфлаши 
керак. Агар ўта кучли овқат еб, ҳеч қандай ҳаракат қилинмаса, танада дард кўпаяди, семизлик, қон 
босими, инсульт каби иллатлар келиб чиқади. 
Кўп кишилар тўйиб овқатлангандан кейин ѐнбошлаб ѐки ѐтган ҳолда телевизор кўради ѐки 
уйқуга кетади. Ошқозонга тушиб, ҳаракатсизликдан бижий бошлаган овқат танага қувват бўлиш 
ўрнига зарарли чиқитга айланади. Шунинг учун таомни меъѐрида ейиш, овқатдан кейин енгил ҳаракат 
қилиш (пиѐда юриш), таомланган заҳоти ухламаслик тавсия этилади. 
Тиббиѐт соҳаси мутахассислари аниқлашича, қорин тўйгани ҳақидаги хабар бош мияга 15 
дақиқадан кейин етиб боради. Шунинг учун қорин тўяр-тўймас ейишни тўхтатиш керак. 
Хуллас, “Инсон ейиш мақсадида яшамайди, яшаш учун ейди”, деган нақл шиорингиз бўлсин. 
Шунда соғлом турмуш тарзига эришасиз
112
.