1-БЎлим. Бахтли ҳаёт асослари бахтнинг баҳоси қанча?

АЁЛЛАР БЕЗАНСА БЎЛАДИМИ? 
Безак, хушбўйликлар эркагу аѐлни бирдек чиройли қилади. Безак кўз учун лаззатдир. Зеро, 
кўз безакли нарсани кўрса, қувонади. Хушбўй ис димоққа лаззат бахш этади. Инсон ширин 
ҳидлардан завқланади. Шунинг учун шариатимиз мусулмонларни жума, ийд ва бошқа оммавий 
йиғинларга ораста бўлиб боришга ундайди. Зеро, мусулмон банда биродарлари назарида гўзал 
бўлиши керак. Ундан ҳеч ким нафратланадиган бўлмасин. 
Бу ҳол эр-хотин ўртасида янада муҳим. Хотин эри олдида доим безаниб, хушбўй таратиб 
юриши керак. Бу ишларга, хусусан, қўшилишдан олдин катта эътибор берилади. Безак хотинни 
эрининг кўзи ўнгида янада чиройли қилади, хушбўйлик ўзига тортади, эрини ром қилади. 
Безак эри олдида чиройли либосларни кийиш билан бўлади. Эр-хотин ѐлғиз қолганларида 
либоснинг қисқа-узунлигида, юпқа-қалинлигида фарқ йўқ. 
Шунингдек, хотин эрининг муҳаббатини қозониш учун аѐлларга хос тилла тақинчоқларини 
тақиши, сурма, упа каби воситалардан фойдаланиши мумкин. 
Сочларини чиройли турмаклаб, қўл-оѐқдаги ортиқча тукларни кетказиб безанса ҳам бўлади. 
Айниқса, танаси, оғзи тозалигига эътибор бериши, қўлтиқларидаги бадбўй ҳидларни кетказиши талаб 
этилади. 
Аѐл баданининг бичимига эътибор бериши, имкон қадар семириб кетишдан сақланиши тавсия 
этилади. Зеро, тана кўриниши ҳам гўзаллик саналади. 
Аммо шуни таъкидлаш лозим, аѐл фақат ўз эри учун безанади. Эридан бошқаларга безанган, 
хушбўй бўлган аѐл қаттиқ гуноҳга ботади. Безак, хушбўйлик лаззат беради. Аѐл – эридан ўзгалар 
ундан лаззат олишига – йўл қўймаслиги талаб этилади. 
Эрлар ҳам ўз аѐлларига “бепардоз” кўринмасликлари зарур. Эр сочини тўғрилайди, 
мўйлабларини қисқартиради, бадани, оғзи тозалигига эътибор қилади, хотини учун ўзини хушбўй 
қилади, муносиб тарзда безанади. Токи хотинининг кўзи ундан қувонсин, тотли ҳидига ғарқ бўлсин. 
Агар эр-хотин айтилганларга риоя этса, бахт-саодатга эришади
116
.