1-БЎлим. Бахтли ҳаёт асослари бахтнинг баҳоси қанча?

АЖОЙИБ ДОРИ 
Айтишларича, аббосийлар халифаси Ҳорун ар-Рашид ҳузурига тўрт мамлакатдан биттадан 
табиб чақиртирди. Табиблар ҳиндистонлик, румлик, ироқлик, суданлик эди. Уларга дардни бутунлай 
тузатувчи, асорат қолдирмайдиган биттадан дорини сифатлаш топширилди. Ҳиндистонлик табиб: 
– Менимча, касалликни йўқ қилиб, асорат қолдирмайдиган дори – қора ҳамла мевасидир, – 
деди. 
Ироқлик табиб: 
– Менимча, бу дори – сутарасидир, – деган фикрни олға сурди. 
Рум табиби: 
– Менимча, бу дори – иссиқ сув, – деб тахмин қилди. 
Суданлик табиб (улар ичида энг билимдони эди) шундай деди: 
– Ҳамла меъдани буриштиради. Буям бир хасталик. Сутараси меъдани бузади. Буям бир 
хасталик. 
– У ҳолда, сенинг фикринг қандай? – дея сўрашди. 
– Менимча, ҳеч бир касалликка имкон қолдирмайдиган нарса – тоза очқамагунча, иштаҳа 
бутунлай очилмагунча таом емаслик, ҳали иштаҳанг бор пайтда жудаям тўймасдан қўлни таомдан 
тортиш. 
Шунда ҳамма табиблар бирдан: 
– Жуда тўғри айтдинг! – дейишди
119
. 
ОВҚАТЛАНИШДА НИМАЛАРГА ЭЪТИБОР БЕРИШ КЕРАК? 
119
Манба: “Ирфон” тақвимининг 2014-йилги 3-сони, 33-бети. 

---

149 
1. Сувни шошилмасдан ичинг. 
2. Яна ейишингиз мумкин бўлган пайтда овқатланишни тўхтатинг. 
3. Жуда ѐғли овқатлардан сақланинг. 
4. Овқатдан кейин оғиз бўшлиғини, тишларни илиқ сув билан ювиш фойдали. 
5. Кунлик овқатингизни эрталаб соат 8-9 ларда 25 фоизини, соат 12-14 ларда 15 фоизини, 
кечқурун 20-21 ларда 10 фоизини тановул қилинг. 
6. Овқатингиз тотли, яхши пишган, кўриниши чиройли бўлсин. 
7. Қаттиқроқ таомлардан қочманг. Чунки у милкни, тишни мустаҳкамлайди. 
8. Овқатни секин, яхшилаб чайнаб ейиш керак. Шунда осон ҳазм бўлади. Кунига 4-5 маҳал оз-
оздан тўймай овқатлансангиз, танангиз ҳам, руҳингиз ҳам соғлом бўлади. 
9. Аччиқ ѐки ўта ширин нарсалардан сақланинг. 
10. Иложи борича иситилган нарсалар (овқат, нон) истеъмол қилмаслик керак. 
11. Шошилмасдан овқатланинг, оғизга ортиқча таом тиқманг. 
12. Овқат еб туриб китоб ўқиш ошқозонга ўта зарар. 
13. Оч қолмай туриб овқатланманг. 
14. Овқат билан қўшиб тановул қилинадиган сабзавот, кўкатларни тозалаб, тўғрамасдан 
дастухонга тортиш фойдали. 
15. Дудлаб пиширилган таомлар айрим ҳолларда ошқозон-ҳазм йўлларига, жигарга зарар 
келтиради. 
16. Ейилаѐтган овқат температураси 60 даражадан юқори, 15 даражадан паст бўлмаслиги керак. 
17. Полиз маҳсулотларини нонсиз истеъмол қилган маъқул. 
18. Қовурилган овқат инсон саломатлигига салбий таъсир кўрсатади. 
19. Ўсимлик ѐғида пиширилган овқатлар соғликка кони фойда. 
20. Суви қочган нон, қаттиқ нон, толқон ошқозон, жигар касалликларига даво бўлади, қонни 
тозалайди. 
21. Ҳар қандай нордон мевалар, сабзавотлар қон босимини туширади, овқат ҳазмини 
тезлаштиради. 
22. Овқат – иложи борича – нон билан истеъмол қилингани маъқул. Чунки, нон қўшиб ейилган 
таом яхши ҳазм бўлади. 
23. Овқат билан суюқликни қўшиб ичманг. Овқат еб бўлгач, бир оздан сўнг ичимлик ичган 
маъқул.