1-БЎлим. Бахтли ҳаёт асослари бахтнинг баҳоси қанча?

МУЛОҲАЗА 
Дунѐда билим манбаи бўлмиш китоблар сон-саноқсиз. Ҳеч ким амалда барча китобларни ўқиб 
чиқишга қодир эмас. Шундай экан, ҳар биримиз олдимизга қўйган мақсадимиз, интилишимиздан 
келиб чиқиб, зарур китобларни топиб ўқишимиз лозим. Зеро, тўғри танланган китоб орзуларга 
етказади. Тўғри танланган китоб инсон ҳаѐтида муҳим аҳамият касб этади, унинг бахтли бўлиши учун 
хизмат қилади. 
КИТОБХОН ХАЛҚНИНГ БУГУНГИ АҲВОЛИ 
Яқин-яқингача ўзбек хонадонларида узун қиш кечалари хира чироқ ѐруғида китобхонлик 
қилинарди. Китоб ўқишни билганлар халқ ичида обрўли саналарди, Ҳофиз, Сўфи Оллоѐр, Хожа 
Аҳмад Яссавий, Бедил, Фузулий, Махтумқули, Машраб ғазалларини ѐд билмаслик ор саналарди. Гап-
гаштакларда, турли маросимларда ҳам тўпланганларга китоблардан парчалар ўқиб бериш каби гўзал 
одатлар бор эди. Бу гаплар ортида “эди” сўзининг борлиги дилга бир оз ғашлик солади. Чунки ана 
шундай китобхон халқ ворислари бугунги кунда деярли китоб ўқимай қўйди... 
Ҳозир бирон кишидан: “Айни пайтда қандай китоб ўқияпсиз?” деб сўрасангиз, жавоб ҳам 
тайѐр: 
– Китоб ўқишга вақт қаѐқда дейсиз. Эртаю кеч мияда рўзғор ташвиши. 
– Китоб ўқишни яхши кўраман, аммо вақт тополмаяпман. 
– Энди, шу десангиз, маза қилиб ўқийдиган китоб ҳам йўқ-да. 
– Китоб ўқиган билан қорин тўярмиди?! 
– Мен теледастурлардан бошқасини ўқимайман... 
Тўғри, китобхонлар қизиққан соҳалари, талаб қилаѐтган мавзулари олдингидан бир оз ўзгарган. 
Авваллари кўпроқ бадиий китоблар, олди-қочти асарлар мутолаа қилинган бўлса, ҳозир илмий-
техникавий адабиѐтлар, хотиралар, детективлар, пазандачилик, табобат мавзуидаги асарлар, диний-
маърифий китобларга қизиқиш анча ортган. Ана шундай китоблар бозори чаққонлиги фикримизни 
исботлайди. Шунга қарамай, халқимизнинг китобхонлик даражаси анча пастлиги ҳақиқат. 
114
Манба: www.xabardor.uz 

---

145 
Балки, буни кимлардир бозор иқтисоди қийинчиликларига тўнкар? Эҳтимол, баъзилар давр 
шиддати ортиб, турли техникавий воситалар орқали (масалан, интернет, телевидение каби) ахборот 
олиш қулайлашганини рўкач қилар? Лекин бу нарсага биздан олдинроқ дуч келган Европада, яна 
айрим араб мамлакатларида китобхонлик кучайган бўлса кучайган, асло пасаймаган. 
Бир нарсани ѐдда тутайлик: китоб ўқимаган халқ жоҳилликка маҳкумдир. Китоб ўқимаган, 
илмга интилмаган, руҳиятини бойитишга лоқайд қараган миллат фарзандлари ўзлигини, эркини, 
маданиятини бой бериши муқаррар! Ана шундай кулфатлар бошимизга келмай туриб китоб ўқийлик, 
китобни қадрлайлик, болаларимизда китобга муҳаббат уйғотайлик
115
.