Buyrug‘i maktabgacha ta’limga qo‘yiladigan davlat talablarini tasdiqlash haqida

2-§. O‘qish va savod malakalarini egallash
238. Quyidagilar 3 yoshdan 5 yoshgacha bo‘lgan bolalarda o‘qish va savod malakalari
rivojlanishining talablari hisoblanadi.
bosma materiallarga qiziqish bildirish, harflar va ramzlarni ajrata olish;
“so‘z”, “tovush” so‘zlarini tushunish;
yozish ko‘nikmalarini o‘rganish.
239. Quyidagilar 3 yoshdan 5 yoshgacha bo‘lgan bolalarda o‘qish va savod malakalari
indikatorlari hisoblanadi:
kitobdagi rasmlarga asoslanib, adabiy asarning mazmunini aytib berish;
asarning bir parchasini tinglab, bu qanday asarligini aytib berish;
she’rlarni yoddan o‘qib berish;
rasmga qarab, so‘z birikmalari, 2-3 ta so‘zdan iborat gap tuzish;
tez-tez uchratadigan ramzlar, so‘zlar, logotiplarni tanish;
kichikroq yoshdagi bolalar yoki o‘yinchoqlar uchun kitob o‘qib berishga taqlid qilish;
kitob o‘qib berilayotganida, sahifani gorizontal yo‘nalish bo‘ylab kuzatib borish;
rasmlarning ma’nosini anglab olish;
“so‘z”, “tovush” so‘zlarini tushunish, ularni o‘yinlarda, amaliy mashqlarda qo‘llay olish;
so‘zdagi tovushlarni to‘g‘ri talaffuz etish;
oddiy chiziqlar, ilgaklar, belgilar nusxalarini ko‘chirish;
o‘zining atrofidagi obyektlar yoki odamlarning rasmini chizish.
240. 3 yoshdan 5 yoshgacha bo‘lgan bolalar ta’limiga quyidagicha yondashish lozim:
guruhda bolalar adabiyotidan iborat kichik kutubxona tashkil etish;
bolani qo‘g‘irchoq teatrlariga tez-tez olib borish;
bolani turli, jumladan nasriy, she’riy adabiyotlar, hikoyalar bilan tanishtirish;
bolaning ayrim bosma so‘zlar, ramzlarni tanishini rag‘batlantirish;
bolaning salohiyatini rivojlantiruvchi muhit yaratish;
bolaga yaxshiroq chizishi uchun yordam berish;

---

bolani varaqda yozilgan harflarni ko‘chirishiga yordam berish.
241. 3 yoshdan 5 yoshgacha bo‘lgan bolaning xavfsiz yashashi va harakatlanishi uchun
quyidagilarga rioya qilish lozim:
bola yozish va o‘qishni xohlamasa, uni bunga majburlamaslik;
ko‘rish gigiyenasiga amal qilish;
bolani maxsus belgilangan obyektlarda rasm chizishga o‘rgatish.