Buyrug‘i maktabgacha ta’limga qo‘yiladigan davlat talablarini tasdiqlash haqida

2-§. Hissiy rivojlanish
230. Quyidagilar 3 yoshdan 5 yoshgacha bo‘lgan bolalarda hissiy rivojlanish talablari
hisoblanadi:
bola o‘zining “men” tamoyilini rivojlantirishi;
bolaning boshqalarning his-tuyg‘ularini ajratish va o‘z hissiyotlarini ifodalashga
qodirligi.
231. Quyidagilar 3 yoshdan 5 yoshgacha bo‘lgan bolalarda hissiy rivojlanish
indikatorlari hisoblanadi:
o‘z his-tuyg‘ulari va kechinmalarini ifodalash;
o‘zining qaysi jinsga mansubligini bilish va bu bilan bog‘liq vazifalarini tushunish;
o‘z tengdoshlari orasida o‘zini ajratib chiqara olish;
o‘yinlarda o‘z zimmasiga rol bajarishni olishi mumkinligi;
o‘z harakatlari uchun javob bera olish;
o‘zining ko‘zgudagi aksini ta’riflay olish;

---

o‘z ona yurti, sevimli o‘yinchoqlari to‘g‘risida aytib berish, xalq an’analari, urf-
odatlariga qiziqish bildirish;
tengdoshining salbiy yurish-turishi bilan bog‘liq bo‘lgan o‘z kechinmalarini
ochiqchasiga namoyish etish;
yaqinlari va qarindoshlarining kechinmalariga nisbatan mehr-shafqat namoyon etish;
jahl, quvonch, hayrat, xafalik kabi hissiyotlarni tushunish.
232. 3 yoshdan 5 yoshgacha bo‘lgan bolalar ta’limiga quyidagicha yondashish lozim:
bola o‘ziga ishonishi va ishonmasligidan qat’i nazar, uni qo‘llab-quvvatlash;
bola bilan doimo teskari aloqani saqlab turish va bolaga “men sen bilan, men seni
tushunayapman” deb tushuntirish;
bolaning harakatlarni mustaqil bajarishini rag‘batlantirish;
muayyan rolni ijro etadigan o‘yinlar tashkil etish;
bolaning savol berishini rag‘batlantirish, nima ko‘rganligi va nima yoqqanligini so‘rash;
bolaning yig‘layotgan yoki xafa bo‘lgan boshqa bolani qo‘llab-quvvatlashini
rag‘batlantirish;
bolaga o‘zini baxtiyor his qilishi uchun sharoit yaratish, u bilan uni nima baxtli va
mamnun qilishi to‘g‘risida so‘zlashish;
boladan u yoki boshqa bola qachon o‘zini xafa, xursand, yolg‘iz his qilganligini, nima
uchun o‘zini shunday his etganligini aytib berishni iltimos qilish.
233. 3 yoshdan 5 yoshgacha bo‘lgan bolalarni issiq narsalarga tegmaslik, o‘tkir
buyumlar bilan ehtiyotkorona munosabatda bo‘lish, ochiq deraza tokchasida o‘tirmaslik,
derazadan engashib osilmaslik, elektr o‘tkazgichga buyumlarni tiqmaslik, notanish odamlar
bilan suhbatlashmaslik kabi xavfsiz yurish-turish qoidalariga o‘rgatish lozim.