Buyrug‘i maktabgacha ta’limga qo‘yiladigan davlat talablarini tasdiqlash haqida

2-§. Mayda motorikani rivojlantirish
214. Quyidagilar 3 yoshdan 5 yoshgacha bo‘lgan bolalarda mayda motorika
rivojlanishining talablari hisoblanadi:
qo‘llari va barmoqlarining harakatlarini nazorat qilish qobiliyatiga ega bo‘lish;
o‘yinchoqlar va umumiy foydalanishda bo‘lgan buyumlardan foydalana olish.
215. Quyidagilar 3 yoshdan 5 yoshgacha bo‘lgan bolalarda mayda motorika
rivojlanishining indikatorlari hisoblanadi:
uzib-uzib, dog‘ qo‘yib, chiziqlar yordamida rasm chizish;
qalam, mo‘yqalam va bo‘yoqlardan foydalanish, barmoqlari va suvni ishlatish;
applikatsiya elementlarini yopishtirish;
loy yoki plastilindan yulish, pachoqlash, uzib olish va cho‘zish usulida turli
shaklchalarni yasash;
kaftlari orasida bir bo‘lak loy yoki plastilinni to‘g‘ri yoki doira shaklida dumalatib
yoyish, tayyor qismlarni bir-biriga ulash;
mozaika va boshqa shakllarni osonlik bilan terish va yig‘ish;
qaychi bilan oddiy shakllarni qirqish;
qog‘ozdan buklash yo‘li bilan oddiy modellarni yasash;
munchoqlarni ipga solish;
qalamni to‘g‘ri ushlashga harakat qilib, chiziq chizish;
shisha qopqog‘ini ochish, burash va yopish;
piyolani bir qo‘lida ushlab turish;
koptokni qo‘llarida ushlash va oldinga tashlash.
216. 3 yoshdan 5 yoshgacha bo‘lgan bolalar ta’limiga quyidagicha yondashish lozim:
bolani kitoblarni yirtmaslikka, ulardan tartibli foydalanishga o‘rgatish;
topshiriqni bajarish uchun rang, material va usulni tanlashda yordam berish;
ko‘rgazmali namunalardan foydalanish;
rasmlari bo‘yaladigan kitobchalar va oddiy narsalarni yig‘ishni taklif qilish;
bolalarga izchillik bilan munchoqlarni yig‘ish va ipga terishga ruxsat berish;
bolaning og‘ziga mayda narsalarni solmasligini kuzatish;
bolaga kiyinish jarayonida faol ishtirok etish, kiyim tugmachalarini taqish yoki echish,
poyabzal iplarini bog‘lash imkoniyatini berish;
bolaga qalam bilan chiziq chizish imkoniyatini berish;
bolani hushtak bo‘yicha suv solingan idishni ochish va yopish, unga suv to‘ldirishga
o‘rgatish;
bolaga shishaning qopqog‘ini burashiga ruxsat berish;
bolaga kun davomida umumiy foydalanishdagi buyumlarni boshqarishga ruxsat berish.

---

217. Bolaning foydalanishi uchun mo‘ljallangan asbob-uskunalar bola uchun xavfsiz
bo‘lishini ta’minlash, shuningdek mashg‘ulotlarni o‘tkazish vaqtida gigiyena talablariga rioya
qilish lozim.