Interfaol dars o’tish materiallari

Interfaol dars o’tish materiallari
«Intervyu» - talaba (yoki o’quvchi)ni savolni to’g’ri tuzish, savol bera olish, savolga to’g’ri javob berish, boshqalarni tinglay olish madaniyatiga o’rgatishga qaratilgan.
«Iyerarxiya» - oddiydan murakkabga, murakkabdan oddiyga o’tish usullarini qo’llash orqali talaba (yoki o’kuvchi)larni mantiqiy, tanqidiy va ijodiy fikrlashga o’rgatishga qaratilgan.
«Talaba» - talaba (yoki o’quvchi)lar bilan yakkama-yakka holda ishlash o’qituvchi va talaba (yoki o’quvchi) o’rtasidagi to’siqni yo’q qilish, hamkorlikda ishlash yo’llarini o’rgatishga qaratilgan.
«O’qituvchi shaxsi» - o’qituvchining innovatsion faoliyatini ochib beruvchi «O’qituvchi shaxsiga qo’yiladigan talablar» mavzusidagi mustaqil fikrlashga qaratilgan.
«Muloqot» - talaba (yoki o’quvchi)larni dars jarayonida diqqatini o’ziga jalb etish, hamkorlikda faoliyat ko’rsatish, uni tashkil etishni o’rgatishga qaratilgan.
«Boshqaruv» - o’qituvchilarni auditoriyani boshqarishdagi usullari hamda talaba (yoki o’quvchi)larni ish jarayonida boshqarish usullari bilan tanishtirish va shunga o’rgatishga karatilgan.
«Tanishuv» - talaba (yoki o’quvchi)larni bir-biri bilan tanishtirish, do’stona munosabat va ijodiy muhit yuzaga keltirish, ularning ijodiy imkoniyatlari va shaxsiy sifatlarini ochish, jamoada ishlash uchun qulay sharoit vujudga keltirish hamda talaba (yoki o’quvchi)lar o’rtasida psixologik to’siqlarni yengishga yo’naltirilgan.
«Murabbiy va jamoa» - murabbiy va jamoa bilan ishlash muammolari mohiyatini aniqlash malakasini shakllantirish, uning yechimini izlash va topishga yo’naltirilgan.
KBI (kuzatish, bahslashish, ishontirish) - faol hayotiy holatni, sardorlik sifatlarini, jamoada ishlash ko’nikmalarini hamda o’zgalar fikrini hurmat qilgan holda dalillash, ishontirish, asoslash, munozara olib borish mahoratini, murosaga kelish va izlash qobiliyatlarini shakllantirishga yo’naltirilgan.