Navoiy davlat pedagogika instituti tarix fakulteti “milliy g’oya, ma’naviyat asoslari va huquq ta’limi” kafedrasi

MILLAT MA’NAVIYATI VA KITOBXONLIK MADANIYATI 
Kamolova Farog’at 
Navoiy olimpiya va paralimpiya 
zaxiralar kolleji o’qituvchisi 
Millat ma`naviyati har doim o`zgarib rivojlanish sari olg`a qadam qo`yadi. Millat
ma`naviyati millatning o`ziga xos xususiyatlari, an`ana, urf-odat va qadriyatlar va 
mentalitetini o`zida aks ettiruvchi, uning menligini ko`rsatuvchi, o`zligini belgilovchi 
intellektual-ruhiy qudrati va uni taraqqiyotga yetaklovchi botiniy salohiyatidir. O`ziga xos 
ma`naviyatga ega bo`lmagan millat bo`lmaydi. Shu ma`noda ham ma`naviyat millatlarni bir-

---

124 
birlaridan farq qildiruvchi eng yorqin, ko`zga tashlanuvchi omil bo`lib hisoblanadi. Milliy 
ma`naviyat asosan milliy ong, g`urur, urf-odat, an`analar, qadriyatlarning millat hayotida real 
moddiy kuchga aylanishida namoyon bo`ladi. Millatning o`z intellektual salohiyati bilan 
jahon tamaddunidan munosib o`rin egallashga intilishida aks etadi.Birinchi Prezidentimiz
Islom Karimov millat ma`naviayati to`g`risida shunday fikrni bildirgan:,,Biz xalqni nomi 
bilan emas,balki madaniyati, ma`naviyati orqali bilamiz. Tarixining tag-tomirigacha nazar 
tashlaymiz’’. 
Har qanday millatning yuksalishi, uning dunyo hamjamiyatidan munosib o`rin egallashi, 
ma`naviy saviyasi ana shu xalqda kitobxonlik madaniyatining nechog`lik yaxshi yo`lga 
qo`yilganligi bilan bog`liqdir. Bizning mamlakatimizda ham kitobxonlik madaniyatini 
yuksaltirish uchun juda kata qadam tashlangan va zamin ham yaratilgan. Ammo ayrim 
jarayonlarda fuqarolar o`rtasida kitobxonlikga yetarli e`tibor berilmayotgani ko`zga 
tashlanmoqda. Olimlar, ziyolilar, mamlakat va millat kelajagi uchun chuqur qayg`urganlarni 
yaqin-yaqingacha bir narsa qiynab keladi: nega yoshlarimiz umuman fuqarolarimiz o`rtasida 
kitobxonlik madaniyati pasayib ketdi, nima uchun yerdan ko`kka ko`taradigan, bizni 
barkamollik sari yetaklaydigan, insonlar qalbiga yorug`lik va iliqlik kiritadigan, oq bilan 
qora, yaxshilik bilan yomonlik, vayronkorlik bilan bunyodkorlikning farqini ongli ravishda 
anglatishga yordam beradigan, insoniyat tomonidan yaratilgan eng noyob kashfiyot- 
kitobning qadri tushib ketmoqda? 
Darhaqiqat, bu savollar barchamizni qiynar edi. Shu o`rinda O`zbekiston Respublikasi 
Prezidenti Shavkat Miromonovich Mirziyoyevning 2016-yil 19-oktabrida “Tadbirkorlar va 
ishbilarmonlar harakati-O`zbekiston Liberal-demokratik partiyasi”ning 8-s`yezdidagi 
saylovoldi ma`ruzasida bildirilgan ayrim fikrlari to`g`risida to`xtalmoqchi edim. Ma`ruzada 
bugungi 
kunda 
axborot-kommunikatsiya 
texnologiyalari, 
internet 
tizimini 
keng 
rivojlantirmasdan turib, mamlakatimizni modernezatsiya qilish va yangilash, barqaror 
taraqqiyotga erishish haqida so`z yuritish mumkin emasligiga e`tibor berilgan. ,,Ayni paytda- 
deydi Shavkat Miromonovich ,- axborot kommunikatsiya sohasidagi oxirgi yutuqlarni 
o`zlashtirish bilan birga, yoshlarning kitob o`qishga bo`lgan qiziqishini oshirishga, ularni 
kitob bilan do`st bo`lishga, aholining kitobxonlik saviyasini yanada oshirishga alohida 
e`tibor qaratish lozim bo`ladi. Buning uchun avvalo milliy adabiyotimiz va jahon 
adabiyotining eng sara namunalarini ijtimoiy tarmoqlarga joylashtirish va ularnin keng
targ`ib qilishga alohida e`tibor berishimiz muhim ahamiyat kasb etadi”. 
Ushbu fikrlar mamlakatimizdagi barcha ziyolilar, millat kelajagi, uning ma`naviy 
barkamolligi uchun tashvishda bo`lganlarning yurak-yuragidagi gap bo`ldi. Kitob 
barchamizga charog`on yo`lni ko`rsatishini, ma`naviy olamimizni shakllantirishini, 
kelajakdagi yagona to`g`ri yo`lni tanlashga yordam berishini bilsakda, uni o`qimasak, 
kitobning insoniyat tomonidan yaratilgan eng buyuk kashfiyot ekanligini tushunsakda, 
ammo uni yuqori darajaga ko`tarmasak, bu holda bizning kitob to`g`risidagi tasavvurlarimiz 
xato bo`lmaydimi? 
Prezidentimiz Shavkat Miromonovichning ,,Kitob mahsulotlarini chop etish va tarqatish, 
tizimini rivojlantirish, kitob mutolaasi va kitobxonlik madaniyatini oshirish hamda targ`ibot 
qilish bo`yicha komissiya tuzish to`g`risida”(2017-yil 12-yanvar)gi farmoyishi e`lon qilindi. 
Mazkur farmoyish kitob, kitobxonlik madaniyatining jamiyat ma`naviy hayotidagi o`rni va 
rolini yana bir yangi bosqichga ko`targanligi bilan izohlanadi. Ta`kidlanishicha, bugungi 
kunda matbuot, noshirlik va axborot sohasiga tegishli huquqiy asos yaratilgan bo`lib,10 dan 
ortiq qonun va 30 dan ortiq qonunosti hujjatlari qabul qilingan. 1677ta matbaa korxonalari, 
118 ta nashriyot davlat ro`yxatiga olingan. 
Farmoyishning ibratli jihati shundan iboratki, unda kitob mahsulotlari nashr etish, 

---

125 
tarqatish, kitob mutolaasi, kitobxonlik madaniyatining bugungi kundagi holati, mavjud
kamchiliklar, xatolar ro`yi rost ochib berilgan. Ayniqsa badiiy, ma`rifiy, ilmiy-
ommabop,tarbiyaviy, yoshlarning intelektual salohiyatini oshirishga qaratilgan adabiyotlarni 
chop etish, ular bilan ta`lim muassasalarini ta`minlash, milliy va jahon adabiyoti 
namoyondalarining yetuk asarlarini saralash, tarjima qilish ishlari puxta o`ylangan tizim 
asosida tashkil etilmagani, ta`lim va madaniyat muassasalari uchun kitob xarid qilishga 
mablag`lar yetarli darajada mavjud bo`lgan manbalar hisobidan jalb etilmayotgani, kitob
sotishga ixtisoslashgan korxonalar tomonidan ta`lim muassasalari, kutubxonalar va 
mahallalarda yangi kitoblar taqdimotlarini o`tkazish, mutolaa madaniyatini oshirish shu 
jumladan, ommaviy axborot vositalari orqali targ`ibot-tashviqot qilishga qaratilgan tadbirlar
yuksak talablar darajasida emasligiga alohida e`tibor berilgan.
Yuqorida qayd etilgani kabi kitob insonni yerdan ko`kka kutaruvchi, uning ma`naviy
quvvatini oshiruvchi buyuk kuch hisoblanadi. Ikkinchidan, kitob insoniyatning tarixiy 
xotirasi, barchamizning o`z ma`naviy-ma`rifiy , ilmiy zaminimizni mustahkamlovchi, 
kelajakni yorqin ko`rsatib borishga qodir mash`ala hisoblanadi. Shuning uchun ham
bizning yurtimizda ilm olish, kitob yozish, ijod qilish har doim ham millatning mavjudligi
va u nimaga qodir ekanligini ko`rsatuvchi muqaddas tushunchalar hisoblanadi. Arastudan
Abu Ali Ibn Sinoga, Aflotundan Abu Rayxon Beruniygacha, Jaloliddin Rumiydan Alisher 
Navoiygacha, Sohibqiron Amir Temurdan Muhammadsharif Gulxaniygacha yuzlab, 
minglab mutafakkirlarning shakllanishi, dunyoga tanilishi, zamonlar oshsada ahamiyati
yo`qolmaydigan tadqiqotu kashfiyotlari faqat va faqat kitob orqali yuz berdi. Ularning
bugungi avlod tomonidan chuqur o`rganilishi, ular ilmiy ma`rifiy bisotiga bot-bot murojat 
qilishning sababi ham mutafakkirlarimiz tomonidan yaratilgan kitoblar tufaylidir. 
Sharqda odob-axloq borasida buyuk asarlar yaratgan Muhammad Jabalrudiyning 
kitob haqidagi quyidagi fikri o`rinlidir: ,,Ey aziz inson! Kishi uchun kitobdan azizroq va 
yoqimliroq suhbatdosh yo`qdir. Kitob fasohat, balog`atda, latofatda tengi yuq, 
munofiqlikdan holi hamrohdir. Yolg`izlikda va g`amli ayyomlarda munis ulfatdir. Unda na 
nifoq boru, na gina. U shunday hamdamki so`zlarida xato va yolg`on bo`lmaydi. Suhbatidan 
esa kishiga malollik yetmaydi. U o`z do`stining dilini og`ritmaydi, yuragini esa siqmaydi. 
U shunday rafiqdirki, kishi orqasidan g`iybat qilib yurmaydi. Uning suhbatidan senga
shunday fayzli foydalar yetadiki,bunday foydani odamlardan topa olmaysan. Aksincha, 
aksar odamlar suhbatidan kishiga zarar yetadi. Kitobdek do`st ichida barcha ilm 
mujassamdirki, u kishilarni o`tmishdan va kelajakdan ogoh qilib turadi. Shuning uchun
ham ,,Kitob aql qal`asidir”, deganlar.” 
Haqiqatdan ham kitob barchamizni ezgulikka undaydigan ,oldimizda turgan barcha
muammolarni hal etishga yordam beradigan kuchdir. Shuning uchun ham yurtimizda kitob 
bilan oshno bo`lgan, kitobni suygan, kitob yozgan, kitobni muqaddas bilib qorachig`idek 
asraganlarni ziyoli deb ataganlar. Ziyoli- nur tarqatuvchi, u o`zining xatti-harakatlari,
faoliyati bilan jamiyatni nurlantiruvchi, ma`naviy, ijtimoiy barqarorlikni ta`minlovchilar 
hisoblangan. Masalan, ma`rifatparvar vatandoshimiz Is`hoqxon Ibrat o`z uyida kattagina, 
boy kutubxonani tashkil qiladi va uni ,,Kutubxonai Is`hoqiya” deb ataydi. Bu kutubxonadan
nafaqat o`zi balki qishloq aholisi ham unumli foydalangan. U kutubxona a`zolarining kitob 
olish va o`qib bo`lgach , uni topshirish daftarlarini ham tashkil qilgan, yoshlarning kitob 
o`qishlarini Is`hoqxonning o`zi nazorat qilib borgan. 
Shuni aytish mumkinki, bugungi kunda oilaviy kutubxonasi bor yuzlab, minglab 
vatandoshlarimiz mavjud. Ularning kutubxonalarida shunday noyob, nodir kitoblar borki, 
ular juda kamyob va yagona nusxada. Biz ,,Eng yaxshi kitobxon oila” tanlovini o`tkazish 
orqali o`sha nodir asarlar nafaqat mazkur oilaning, shuningdek butun jamiyatning ma`naviy

---

126 
mulkiga aylanishini istardik. 
O`zbekiston Respublikasi Prezidenti Sh.Mirziyoyev o`z qarashlarida kitobxonlik 
madaniyatini yuksaltirish lozimligiga alohida urg`u bergan.Xo`sh, kitobxonlik madaniyati 
deganda nimani tushunamiz? Bular, fikrimizcha quyidagilardan iborat:o`zining kasbiy-
mutaxassislik hamda badiiy-ma`naviy barkamolligini oshirish uchun kitobni tanlay olish va 
o`zi uchun zarurini o`qish, kitob ustida ishlash malakasini obdon o`rganib olish va unga 
chuqur amal qila bilish, kitobni mustaqil o`qiy bilish, kitobning asosiy mazmunini talqin qila 
bilish va uning fusunkor olamiga kira bilish, o`qiganlaridan hayotiy xulosalar chiqarish, 
kitobning kerakli, zarur joylarini yon daftarga ko`chira olish, muntazam ravishda o`qish 
ko`nikmasiga ega bo`lish, kitobni yaroqsiz holga keltirmaslik uchun undan to`g`ri foydalana 
bilish, kitob bilan muomalada eng qadrdon do`stga munosabatda bo`lganday e`tibor bilan 
qarash, har bir yaxshi kitobni ilm qal`asining kaliti deb bilib, uning boqiy umrinini 
ta`minlash hisoblanadi. 
Kitob o`qish barchamizning ma`naviy olamimizni boyitadi, so`zlashuv madaniyatimizni 
oshiradi. Ayrim hollarda muqaddas o`zbek tilimizdagi so`zlarning ayrim vatandoshlarimiz 
,, xizmati” tufayli dag`allashib, kambag`allashib borayotganligining oldini olish uchun ham 
kitob o`qish lozim. Zero, kitob zulmatda insonning yo`lini yorituvchi shamchiroqdir, uning 
ma`naviy yuksalishiga xizmat qiluvchi bosh mezondir. Shunday ekan, ma`naviyatimizning 
yuksalishiga sabab bo`luvchi kitoblarni o`qish va ulardan dunyoqarashimizni boyitish bizlar
uchun ham qarz ham farz bo`lmog`i darkor.