Фаол инвестиция сиёсати шароитида инвестициялар ҳисоби ва таҳлили: зарурат, мақсад ва вазифалар

Тадқиқот методологияси 
Мақолада фаол инвестиция сиёсати шароитида инвестициялар ҳисоби 
ва таҳлилининг зарурати, мақсад ва вазифаларини очиб беришда таққослаш, 
монографик кузатув, илмий абстракциялаш, индукция ва дедукция, анализ ва 
синтез каби усуллардан фойдаланилган. 
Таҳлил ва натижалар 
Миллий иқтисодиёт тармоқларига инвестицияларни кенг жалб қилиш, 
қулай инвестиция муҳитини барпо этиш, ички ва ташқи молиявий 
манбалардан самарали фойдаланиш муҳим вазифаларга киради. Жумладан, 

---

“Халқаро молия ва ҳисоб” илмий журнали. №2, апрель, 2021 йил. ISSN: 2181-1016 
4 
тараққиётимизнинг сўнгги беш йилдаги янги йўналишларини белгилаб 
берувчи Ҳаракатлар стратегиясида ҳам “ишлаб чиқаришни модернизация 
қилиш, техник ва технологик жиҳатдан янгилаш, ишлаб чиқариш, транспорт-
коммуникация ва ижтимоий инфратузилма лойиҳаларини амалга оширишга 
қаратилган фаол инвестиция сиёсатини олиб бориш” ва “халқаро иқтисодий 
ҳамкорликни янада ривожлантириш, жумладан, етакчи халқаро ва хорижий 
молиявий институтлар билан алоқаларни кенгайтириш, пухта ўйланган 
ташқи қарзлар сиёсатини амалга оширишни давом эттириш, жалб қилинган 
хорижий инвестиция ва кредитлардан самарали фойдаланиш [13]” устувор 
вазифалар сифатида белгиланган. Шу боис, бугунги кунда мамлакатимизда 
хорижий инвестицияларни кенг жалб этиш ва республикада қулай 
инвестиция муҳитини яратишга алоҳида аҳамият берилмоқда. 
Республикамизда иқтисодий ривожланишни жадал суръатларини 
таъминлаш ва макроиқтисодий барқарорликни сақлаб қолишда пухта 
ўйланган инвестиция сиёсатини муҳим аҳамият касб этади. Зеро, 
инвестициялар иқтисодиёт тараққиятнинг муҳим омили сифатида ишлаб 
чиқаришни модернизациялар, техник ва технологик янгиланишлар ва 
инновацияларни раҳбатлантириш, янги иш ўринларини яратиш ҳамда 
корхоналар даромадини оширишни таъминлайди. Масаланинг нечоғлик 
муҳим эканлигини йиллар давомида инвестиция оқимларини мунтазам 
ошириб боришга қаратилган инвестиция сиёсатини юритилаётганлигида 
кўриш мумкин.
Дарҳақиқат, сўнгги йилларда инвестициялар ҳажмини оширишга 
қаратилган чора-тадбирлар кўлами ҳам ҳуқуқий ҳам амалий жиҳатдан янада 
сезиларли даражада оширилди. Айниқса, олиб борилаётган фаол инвестиция 
сиёсати натижасида республикамизда инвестициялар оқими динамикаси 
бўйича ижобий ўсиш кузатилмоқда (1-2-расмлар). 
Келтирилган маълумотлардан кўриниб турибдики, ўзлаштирилган 
инвестициялар ҳажми кескин ортиб бормоқда. 2020 йилда коронавирус 
пандемияси туфайли бутун дунёда юз берган иқтисодий пасайиш ва инқироз 
шароитида ҳам республикамизда инвестициялар ҳажми 2016 йилга қараганда 
4 баробар ошганини кўриш мумкин.