Асосий касалликнинг баёии

ГУШ (ЭКЗЕМА) 
Экзема сўзи грекча «есzео» сўзидан олинган бўлиб, «қайнаш» деган маънони англатади. 
Касалликнинг ўткир ва қўзиган даврларида зарарланган тери соҳасида тўпланган майда 
пуфакчалар қайнаб турган сув пуфакларини эслатади. 
Гуш турли-туман этиологик ва патогенетик омилларнинг мураккаб мажмуаси 
оқибатида шаклланади. Касалликнинг ривожланишида антиген-антитана реакцияси ҳал 
қилувчи роль ўйнаши сабабли гуш аллергик дерматозлар қаторига киритилган. Кўпинча 
педиатрлар гўдакларда кузатиладиган экземани «экссудатив диатез» дейишади. Бу нотўғри, 
зеро М. С. Масловнинг «экссудатив диатез касаллик эмас, балки организмнинг ўзига хос 
аномал ҳолати» деб таъкидлашини унутмаслигимиз лозим. Ёш болаларда гуш ирсий 
мойиллик туфайли, яъни аномал ҳолат замирида шаклланади. 
Гушнинг қуйидаги клиник турлари тафовут этилади: асл (идиопатик) гуш, себореяли 
гуш, микробли гуш. Катта ѐшдаги кишиларда эса касбга алоқадор гуш ҳам фарқ қилинади. 
Асл гуш.
Одатда гўдакларнинг 3 - 6 ойлигидаѐқ бошланиб, бунда кўпинча терининг юз 
қисми (ѐноқ соҳаси) зарарланади. Шишиб қизарган тери соҳасида пайдо бўлган тугунчалар, 
пуфакчалар ва чақалар тери остида мадда тўпланишига олиб келади. Терининг устки юзаси 
эса сувлашиб туради. Бошнинг соч қисмида пайдо бўлган пуфакчалар тезда йирингчага 
айланади. Гуш жараѐни вақт ўтиши билан танага тарқалади, айниқса қўл ва оѐқларни 
зарарлайди. Шу туфайли катта ѐшдаги кишиларда асл гуш икки қўл ва икки оѐқда 
симметрик жойлашган бўлиб, юз терисида деярли кузатилмайди. 

---

Себореяли гуш.
Экземанинг мазкур тури тананинг юқори қисмида, кўпинча бошнинг 
сочли қисми, қулоқ териси ва унинг атрофида, юз териси, кўкрак ва елка соҳасида 
жойлашади. Зарарланган терининг ташқи кўриниши себорея касаллигини эслатади. Шу 
сабабли кўпгина олимлар себореяли гуш деганда себорея билан гушнинг бирга учрашини 
тушунишади. Бироқ гушнинг бу турида бемор болаларнинг аксариятида терининг сувланиб 
туриши ва микровезикулалар кузатилмайди ва шу билан асл гушдан фарқ қилади.